Stacidomo de Artern

Stacidomo ĉefa de Artern (germane: Staatsbahnhof Artern) estas fervoja stacio de la eturbo Artern, Germanujo. Ĝi kuŝas ĉe la linio inter Sangerhausen kaj Erfurto estante finstacio la linio Unstrutbahn disde Naumburg. Ĝis 1966 finiĝis tie ĉi alia linio disde Berga tra Kelbra al Artern.

Historio

Ekis la tuto en la 15.7.1880 kiam la unua parto de la linio Sangerhausen-Erfurto (do inter Sangerhausen kaj Artern) estis finkonstruita. En 1881 ekfunkciis la dua parto ĝis Erfurto. Trafiknoda rolo startis en 1889 pro la trajnoj venantaj el Naumburg. Inter 1916 kaj 1966 komenciĝis ĉe la dua haltejo Artern-Ost la etlinio Kyffhäuser-Kleinbahn venante disde Berga-Kelbra.^[1] Post la Dua Mondmilito la rusoj ordonis forigon de la dua relo kiel reparacion.

Bedaŭrinde ĉesis en 2006 la persona trafiko inter Wangen kaj Artern.^[2] De 2020 la iama akceptejo estas posedata de privatulo por loĝi. Norde de ĝi troviĝis vaporlokomotiva remizaro/flegejo kiu jam en 1950 ne plu memstaris. Halaj eroj ankoraŭ videblas en 2020.^[3]

Trafiko en 2025

Vagonare

RE 10: Magdeburg - Schönebeck – Güsten - Sangerhausen - Artern - Erfurto
RB 59: Sangerhausen - Artern - Erfurto

Sume po unu trajno cirkulas por horo.

Buse

Busoj: variaj linioj en la urbokernon kaj la ĉirkaŭaĵojn; unu eĉ ĝis la distrikta urbo Sondershausen tadt Sondershausen.

Literaturo

Paul Lauerwald: "Artern" - ĉe Oliver Strüber [antaŭe Erich Preuß] (eld.): Das große Archiv der deutschen Bahnhöfe (=suplemento, 42). GeraNova Zeitschriftenverlag, München 2003