Steigerwald

El Vikipedio, la libera enciklopedio
Saltu al: navigado, serĉo

Ne konfuzi ĝin kun la ----> Steiger-arbaro en Erfurto.

situo de la natura parko Steigerwald en Germanio

Steigerwald (prononco pli-malpli "Ŝtajgavalt") estas montetara kaj arbaroriĉa regiono en la nordo de la germania federacia lando Bavario inter la kvar urboj Bamberg, Schweinfurt, Würzburg kaj Nürnberg (Nurembergo). La areo konsideratas natura parko, do aparte medioprotektata teritorio. Norde la naturan parkon limigas la rivero Majno, oriente la rivero Regnitz (prononco "Regnic"). La suda limo estas la rivero Aisch (prononco "Ajŝ") kaj en okcidento same la rivero Majno kaj plie linio inter la urboj Marktbreit, Uffenheim kaj Bad Windsheim. La pejzaĝo estas karaktera pro foliaj kaj pinglaj arbaroj, lagetoj kaj vitejoj.

Geografio[redakti | redakti fonton]

La regiono Steigerwald situas ĉe la limo de la tri bavaraj distriktaroj Malsupra, Meza kaj Supra Frankonio. La ekzaktan renkontopunkton de la tri administraj teritorioj signas limŝtono nomata "Dreifrankenstein" - do "ŝtono de la tri Frankonioj".

La natura parko ampleksas areon de 1.280 km².

Plej altaj montoj de la regiono Steigerwald estas:

  • Scheinberg, 499 m
  • Hohenlandsberg, 498 m
  • Zabelstein, 489 m
  • Knetzberg, 487 m
  • Schwanberg, 474 m (tie situas samnoma seminariejo, kie en 1979/1980 okazis la Internacia Seminario de GEJ)
  • Friedrichsberg, 473 m kaj
  • Frankenberg, 463 m

Trafiko[redakti | redakti fonton]

Aŭte la natura parko bone atingeblas per la germania aŭtoŝoseoj A 70 norde, A 7 okcidente kaj A 73 oriente. La regionan teritorion meze tranĉas la aŭtoŝoseo A 3, ĉefa trafika vojo inter la urboj Frankfurto-ĉe-Majno, Würzburg kaj Nurembergo. Same tra la parko kondukiĝas la federaciaj stratoj B 22, B 286 kaj B 8.

Vinkultivado[redakti | redakti fonton]

Vinŝatantoj konas la regionon pro la frankoniaj vinoj, kiuj produktiĝas en vitejoj en la okcidento de la regiono. Ili vendiĝas en vitraj boteloj de tre karaktera formo.

Distriktoj[redakti | redakti fonton]

La teritorio apartenas al la sekvaj ses administraj distriktoj:

Eksteraj ligiloj[redakti | redakti fonton]