Stojko Gagamov
Stojko Dimov Gagamov (bulgare Стойко Димов Гагамов), naskiĝinta la 26-an de aŭgusto 1960[1] en Asenovgrad[2] en la bulgara provinco Plovdiv, estas bulgara pentristo loĝanta en Hispanio. Li kreis la cent vizaĝojn de la koncertejo de Tenerifo.
Gagamov ekde sia tria vivojaro vivis en Plovdiv kaj tre ŝatis sian avon, artiston, kiu estis subpremita de la komunisma reĝimo[2]. Li lernis la profesion de tajpisto, sed pro intereso pri arto preferis labori kiel surstrata pentristo. Post la falo de la fera kurteno li elmigris, serĉante pli bonan perspektivon; li restadetis en Berlino, Parizo kaj Prago kaj en decembro 2008 establiĝis en Tenerifo.
Gagamov signas siajn verkojn per la cirila СГ (=SG, por Стойко Гагамов), sed multaj, kiuj ne scias la cirilan alfabeton, emas legi tion kiel "cr"[2][3].
Gagamov kreis la "100 vizaĝojn" sen oficiala komisio kaj ne ricevis pagon por ili. Intertempe estas pli ol 150, inter ili dek-kvino da konataj lokanoj[3]; kelkaj personoj aperas pli-ol-unufoje. La moleo ĉe la koncertejo havas areon de ĉ. 2.400 m², kaj Gagamov planas plenigi ĉiom[2].
Notoj
[redakti | redakti fonton]- ↑ Stoyko Dimov Gagamov ĉe Vizaĝlibro. Alirita 2013-09-07 .
- ↑ 2,0 2,1 2,2 2,3 CR se llama Stoyko (CR nomiĝas Stojko) (hispane). eldia.es (2011-06-26). Alirita 2013-09-07 .
- ↑ 3,0 3,1 Pedro Guerra Pepe Benavente Benito Cabrera. Caras de basalto (hispane). Alirita 2013-09-07 .