Suffolk

El Vikipedio, la libera enciklopedio
Saltu al: navigado, serĉo
Suffolk
Suffolk UK locator map 2010.svg
Bazaj informoj
Ĉefurbo Ipswich
Areo 3 798 km²
Loĝantaro 730 100 (takso meze de 2014)
Loĝdenso 192 loĝantoj po km²
Flag of Suffolk.svg
v  d  r
Information icon.svg

Suffolk estas unu el la graflandoj de Anglio. Ĝi situas en la regiono Oriento de Anglio, borde de la Norda Maro. La najbaraj provincoj estas Norfolk, Cambridgeshire kaj Essex. Ĉefurbo de la graflando estas Ipswich.

Aliaj gravaj urboj: Lowestoft, Bury St Edmunds, Felixstowe (la plej granda kontenera haveno de Eŭropo), Newmarket (grava centro de ĉeval-kuro), kaj Aldeburgh kie okazas ĉiujare grava festivalo de klasika muziko.

Industrioj: agrikulturo, turismo, nutraĵ-industrio.

Kun la apudaj provincoj de Norfolk, Cambridgeshire kaj parto de Essex la regiono estas konata kiel East Anglia – tio estas pure geografia afero kaj ne rilatas al administrado.

La provinco estas plejparte malalta, kaj partoj de la marbordo suferis pro erozio fare de la Norda Maro. La plej alta loko de la provinco altas nur je 128 metroj. En la nordo de Suffolk kaj la sudo de Norfolk situas regiono konata kiel la "Broads", kiu enhavas marĉojn, lagojn kaj riverojn.

En la okcidentaj partoj de Suffolk eltroviĝs gravaj arkeologiaj restaĵoj de la bronza epoko, inkl. armiloj kaj tumuloj. La anglo-saksoj okupis la provincon dum la 5-a jarcento, kaj ties nomo devenas de la anglo-saksa "Suthfolc", t.e. "suda popolo". Proksime al Woodbridge estas Sutton Hoo, la loko de 7-a-jarcenta anglosaksa (kun)ŝipa entombigo.