Suica
Suica (japane: スイカ [Suika]) estas sistemo de pagado por publika transporto, precipe en la fervojaj linioj de Orienta-Japania Fervoja Kompanio. La sistemo estis lanĉita 18-an de novembro 2001 kaj estas bazita sur RFID-ico, muntita en plastan karton "Suica". Do, por pagi vojaĝon oni bezonas nur almeti monujon kun la karto al bilet-pordo.
Ĝis la lanĉo de la pag-sistemo PASMO (en marto de 2007) la kartoj "Suica" estis uzeblaj nur en linioj de Japana Fervojo. Nun ĝi estas uzebla por pagado en iuj aliaj retoj de publika transporto (fervojaj, metroaj kaj busaj retoj), aparte en Tokio kaj ĝia ĉirkaŭaĵo.
Oni povas mon-ŝargi sian karton ĉe ĉiu stacio de fervoja linio, akceptanta la karton "Suica", uzante aŭtomatojn, situantaj ambaŭ antaŭ kaj post stacia enirejo. La kartoj mem estas aĉeteblaj ĉe grandaj stacioj.
Tipoj de kartoj[redakti | redakti fonton]
La kartoj "Suica" estas vendataj de 3 fervojaj kompanioj:
- Karto "Suica" — vendata de Orienta-Japania Fervoja Kompanio;
- Karto "MySuica" — vendata de Orienta-Japania Fervoja Kompanio;
- Karto "View Suica" — vendata de Orienta-Japania Fervoja Kompanio;
- Karto "Rinkai Suica" — vendata de Tokyo Waterfront Area Rapid Transit (Linio Rinkai);
- Karto "Monorail Suica" — vendata de Tokia Unurelvojo.
RFID-sistemo[redakti | redakti fonton]
La karto enhavas RFID-radio-ricevilon/sendilon (radio-frekvenco-identilon), kiu estis konstruita de Sony kun la nomo Felica.
Uzo aliloke[redakti | redakti fonton]
La sama tekniko etas uzata ankaŭ en
- Atlanta USA: Breeze Card por MARTA
- Hongkongo: Octopus-Karto por MTR kaj vendejoj.
- Kaoŝiungo: easycard por KMRT
- Singapuro: EZ-link-Karto por MRT (Singapore)
- Tajpeo: easycard por MRT
Vidu ankaŭ[redakti | redakti fonton]
Eksteraj ligiloj[redakti | redakti fonton]
- http://www.jreast.co.jp/suica/ (japane)