Adicio

El Vikipedio, la libera enciklopedio
(Alidirektita el Sumo)
Tri kaj du faras kvin.

Adicio estas operacio por trovi la sumon de nombroj aŭ kvantoj. La signo de adicio estas + (plus).

Tia adicia notacio estas kutime uzata por nombroj kaj por baza komuta operacio de pli ĝeneralaj matematikaj strukturoj (abelaj grupoj, vektoroj, matricoj ktp).

Se ni adicias 5 kaj 3, ni ricevos 8. 5 kaj 3 estas la adiciatoj, 8 estas la sum-valoro. Precise ni nomu la termon '5 + 3' sum-termon aŭ sum-esprimon, sed fak-mallonge ofte ankaŭ nur sumon.

Skriba Adicio[redakti | redakti fonton]

La tradicia maniero koncerne la skribforman adicion - ekz-e de la naturaj nombroj 295 kaj 107 (dekume prezentitaj) - okazus jene:

La kalkulado reduktiĝas al relative facila (elementa) sumado de unuciferaj nombroj. Unu-cifera nombro de unuoj de la sum-valoro estas skribenda sub la sum-streko, kaj la unucifera nombro de dekoj estas ŝovenda maldekstren super la strekon. Tiu restaĵo estas la ŝovenda nombro (de:Übertrag). La ruĝaj ciferoj sur la bildo estas tia ŝovenda nombro (de dekoj), kiu estas ricevita post for-apartigo de la dekstraflanka cifero (nombro de unuoj).

Kalkulu: (i) 7 + 5 = 12 ; la ciferon 2 skribu sub la streko kaj la ciferon 1 ŝovu maldekstren super la strekon; (ii) kalkulu 1 + 0 + 9 = 10; la ciferon 0 skribu sub la streko kaj la ciferon 1 ŝovu maldekstren super la strekon (tie ĉi ruĝe koloritaj); (iii) kalkulu 1 + 1 + 2 = 4; la ciferon 4 skribu sub la streko ; la kalkulado estas finita; la rezulto estas skribita sub la streko kiel '402' aŭ ciferume '4' '0' '2'.

Vidu ankaŭ[redakti | redakti fonton]