Systembolaget

El Vikipedio, la libera enciklopedio
Salti al navigilo Salti al serĉilo
Emblemo de Systembolaget

Systembolaget (en sveda "la sistema entrepreno"), populare konata kiel systemet ("la sistemo") aŭ bolaget ("la entrepreno"), estas ŝtata-posedata ĉeno da vendejoj de alkoholaĵoj en Svedio. Ĝi estas la nura podetala vendejaro rajtigata por vendi alkoholaĵojn, kiuj enhavas pli ol 3.5% da alkoholo laŭ volumeno. Systembolaget vendas ankaŭ ne-alkoholajn trinkaĵojn, kvankam tiu produktosegmento prezentas malpli ol duona centono de la totalaj vendoj de trinkaĵoj de la entrepreno.[1] La minimuma aĝo por aĉeti alkoholon ĉe Systembolaget estas 20 jaroj.[2] Je svedaj restoracioj kaj trinkejoj la laŭleĝa aĝo por aĉeti alkoholaĵojn estas 18 jaroj, kvankam trinkejoj povas laŭvole decidi aĝolimon pli altan ol 18 se ili tion preferas.

Notoj[redakti | redakti fonton]

  1. Ansvarsredovisning 2010 med finansiell rapportering, paĝo 3 (procento bazita sur totala negocaro) [1] Arkivigite je 2015-02-09 per la retarkivo Wayback Machine
  2. Systembolaget Försäljningsregler (en sveda) [2] Arkivigite je 2010-08-26 per la retarkivo Wayback Machine