Taniso

El Vikipedio, la libera enciklopedio
Saltu al: navigado, serĉo
Ruinoj de Taniso, Egiptio.
Taniso en la Nila Delto sur mapo de antikva Suba Egiptio

Taniso (Τάνις) estas la greklingva nomo de la ĉefurbo de la 19-a nomoso de la Suba Egiptio. Ĝi situis oriente de la Nildelto. Egipta nomo: Ĝanet, Per-Uaĝet. Greke: Tanis. Arabe: San el-Haggar. La biblia urbo Coan.

Ĝi estis la ĉefurbo de Antikva Egiptio dum la 21-a kaj 23-a dinastioj, kies reĝoj devenis el Ĝanet (Taniso). Grava urbo, komerca kaj strategia ĝis la 6a jarcento kiam estis fine abandonita pro minacoj je inundoj de la lago Manzalo. Ĝi estis ankaŭ enterig-loko de la reĝoj de la 21a kaj 22a dinastioj.

La precipaj gedioj adoritaj en Taniso estis Amono, lia edzino Mut kaj lia filo Ĥonsu, kiuj formis la Tanisan triopon, kiu similis al la triopo de Tebo.

La urbo Taniso estas citita kiel Coan en pluraj libroj de la Biblio:

  • Citaĵo
     Kaj ili iris tra la Sudo, kaj venis ĝis Ĥebron, kie loĝis Aĥiman, Ŝeŝaj, kaj Talmaj, idoj de Anak. (Ĥebron estis konstruita sep jarojn antaŭ ol Coan de Egiptujo.) 
    — Nombroj 13:22
  • Citaĵo
     Antaŭ iliaj patroj Li faris miraklojn en la lando Egipta, sur la kampo Coan. 
    — Psalmoj 78:12
  • Citaĵo
     Mi ruinigos Patroson, Mi ekbruligos fajron en Coan, kaj Mi faros juĝon en No. 
    — Jeĥezkel 30:14

Popola kulturo[redakti | redakti fonton]


30°58′37″N 31°52′48″E  /  30.97694°N, 31.88°O / 30.97694; 31.88 (Taniso)