Tanja Saviĉeva

El Vikipedio, la libera enciklopedio
Saltu al: navigado, serĉo
Folioj de la taglibro kaj foto de Tanja SAVIĈEVA nun estas montrataj en Muzeo de Historio de Sankt-Peterburgo

Tanja SAVIĈEVA (30-a de januaro 19301-a de julio 1944) estis Leningrada knabino-mezlernejano, kiu ekde Sieĝo de Leningrado komencis noti taglibron en notlibro, restinta post ŝia pli aĝa fratino Nina. Tiu taglibro enhavas nur 9 paĝojn, kaj sur 6 el ili estas notitaj datoj de morto de ŝiaj parencoj. La taglibro estis prezentita dum Nurenberga proceso inter materialoj de akuzo.

Tanja Saviĉeva mem estis evakuita el Leningrado somere de 1942 al Ŝatkovskij distrikto de Gorkovskaja (nun – Novgoroda) provinco. Ŝi mortis la 1-an de julio 1944 en Ŝatkovskaja distrikta kuracejo pro nekuracebla malsano — progresanta inanicio.

La taglibro mem nun estas montrata en la Muzeo pri historio de Leningrado, kaj ĝia kopio — en vitrino de pavilono ĉe Piskarjovskoje tombejo.

La 31-an de majo 1981 ĉe Ŝatkovskoje tombejo estis malfermita monumento — marmora tombŝtono kaj steleo kun bronza bareliefo (skulptisto — Ĥolujeva, arkitektoj — Gavrilov kaj Ĥolujev). Apude estis starigita en 1975 steleo kun bareliefa portreto de la knabino kaj paĝoj de ŝia taglibro. Sur la domo en Peterburgo, kie Tanja loĝis dum la sieĝo, estas memortabulo.

Je honoro de Tanja Saviĉeva estis nomita asteroido 2127.

La taglibro[redakti | redakti fonton]

  • La 28-a de decembro 1941. Ĵenja mortis je la 12-a matene.
  • Avino mortis la 25-an de januaro 1942, je la 3-a posttagmeze.
  • Ljoka [frato de Tanja] mortis la 17-an de marto je la 5-a horo matene.
  • Onklo Vasja mortis la 13-an de aprilo je la 2-a horo nokte.
  • Onklo Ljoŝa – la 10-an de majo je la 4-a horo posttagmeze.
  • Panjo – la 13-an de majo je la 7-a kaj duono matene.
  • Saviĉev-oj mortis.
  • Mortis ĉiuj.
  • Restas nur Tanja.