Teherana universitato
Tehrana universitato | |
دانشگاه تهران | |
Devizo | میاسای ز آموختن یک زمان «Ne lasu lernadon eĉ por minuto» |
Fondojaro | 1934 |
Rektoro | Farhad Rahbar |
Kvanto de studentoj | 39,358 |
Situas en | Tehrano, Irano |
Jura adreso | prospekto Engelab |
Oficiala paĝaro | [1] |
Tehrana universitato (perse دانشگاه تهران; prononco: daneŝgaĥ-e teĥran) estas plej malnova kaj plej granda universitato en Irano. Ĝia rektoro estas doktoro Farhad Rahbar, ekonomikisto, vic-prezidanto de la lando ĝis 2007.
Ĝi estis fondita en 1934 laŭ ordono de la ŝaho Reza Pahlavi surbaze de kelkaj altlernejoj. En 1937 virinoj ricevis rajton por lernado en la Tehrana universitato. En 1945 sur la loko, kie pli frue troviĝis kazernoj de la Aliancanaj fortoj, estis konstruita studentara loĝejo. En 1986 estis apartigita la medicina fakultato, kiu iĝis Tehrana universitato pri medicinaj sciencaj.
La universitaton konsistigas 40 fakultatoj, institutoj kaj sciencaj centroj.
Studentoj de la Tehrana universitato ĉiam aktive partoprenis la politikan vivon de Irano. En 1979 ili subtenis la iranan revolucion. En 1999 la studentaro protestis kontraŭ fermado de la opozicia gazeto «Salam». De 2005 ĝis 2008 la rektoro de la universitato estis ajatolo Abas-Ali Amid Zanĝani, profesoro pri teologio, proksima kunbatalanto de Ruhollah Ĥomejni.