Termeso

El Vikipedio, la libera enciklopedio
Salti al navigilo Salti al serĉilo
Teatro en Termeso.

Termeso (greke Τερμησσός) estis urbo de Pisidio konstruita je alteco de pli ol 1000 m sudokcidente de la monto Solimos (en nuntempa Güllük Dağı) ĉe la montaro Taŭruso (en nuntempa Provinco Antalya, Turkio). Ĝi kuŝas je 30 km nordokcidente de Antalya. Ĝi estis fondita sur natura platformo pinte de Güllük Dağı, rigarde al alto de 1,665 metroj inter ĉirkaŭaj travertinaj montoj de Antalja.

KAŝita de pinarbaroj kaj kun paca kaj netuŝita aspekto, la loko havas pli distingan kaj impresan atmosferon ol multaj aliaj antikvaj urboj.

Termeso estas unu el la plej bone konservitaj el antikvaj urboj de Turkio. La urbo estis fondita de Solimanoj kiuj estis menciitaj de Homero en la Iliado konekte kun la legendo de Belerofon.[1]

Pro ties naturaj kaj historiaj riĉoj, la urbo estis inkludita en nacia parko portante sian nomon, nome Nacia Parko Monto Güllük-Termeso.[2]

Referencoj[redakti | redakti fonton]

  1. http://whc.unesco.org/en/tentativelists/1412/ Retrieved-May-4-13
  2. http://muze.gov.tr/termessos-en Retrieved April-30-2013

Eksteraj ligiloj[redakti | redakti fonton]