The Mind

El Vikipedio, la libera enciklopedio
Salti al navigilo Salti al serĉilo

The Mind (angle The Mind"La Menso") estas koopera kartludo de Wolfgang Warsch, publikigita en 2018. Ĝi estis unu el tri kandidatoj por premio Spiel des Jahres (Ludo de la jaro) en 2018.

Reguloj[redakti | redakti fonton]

The Mind estas koopera ludo, tio signifas, ke teamo (de 2 ĝis 4 homoj) kunlabore agas kontraŭ la ludo. Al la ludantoj estas disdonataj kartoj kun numeroj de 1 ĝis 100. La celo estas elmeti la kartojn laŭorde sen komunikado inter la ludantoj. Neniuj sekretaj signaloj kaj aludoj pri siaj kartoj estas permesataj. Ne ekzistas sinsekvo de ludantoj: en ajna momento tiu, kiu opinias, ke havas minimuman karton, rajtas elmeti ĝin al la tablo. Se evidentiĝas eraro, t. e. iu havas malpli grandan karton, ol la elmetita — la ludo paŭzas, ĉiuj tiaj kartoj estu elmetitaj, kaj la ludantoj perdas unu "vivon". Post tio la ludo daŭras. Se ĉiuj ludantoj elmetis siajn kartojn, la nivelo estas trapasita, kaj ili trafas la sekvan nivelon.

En la unua nivelo ĉiu ludanto ricevas po unu karto, en la dua — po du, ktp. La celo de la ludo estas trapasi 12 nivelojn por 2 ludantoj, 10 nivelojn por 3 ludantoj, kaj 8 nivelojn por 4 ludantoj.

En la komenco teamo havas tiom da "vivoj", kiom da ludantoj estas. Po unu plia "vivo" oni ricevas post la trapaso de la 3-a, 6-a kaj 9-a niveloj. Se la teamo ne plu havas "vivojn", ĝi malgajnas.

La teamo havas eblecon uzi specialan karton "ŝurikeno". Se iu ludanto deziras uzi ŝurikenon, li aŭ ŝi levas manon. Se ĉiuj ludantoj konsentas uzi ŝurikenon, ĉiu montras kaj flankenmetas sian plej malgrandan karton. Poste la ludo daŭras per kutima maniero. Komence la teamo havas unu ŝurikenon. Po unu plia ŝurikeno oni ricevas post la trapaso de la 2-a, 5-a kaj 8-a niveloj.