The Nation (Tajlando)
| The Nation | ||
|---|---|---|
| retgazeto taggazeto (1971–2019) 
| ||
| Komenco | 1-a de julio 1971 vd | |
| Lando(j) | Tajlando vd | |
| Sidejo | Bankoko | |
| Posedata de | Nation Multimedia Group vd | |
| Retejo | Oficiala retejo | |
The Nation estas anglalingva ĉiutaga gazeto eldonata en Bangkoko. Ĝi havas la subtitolon " Bangkok's Independent Newspaper" (La Sendependa Gazeto de Bangkoko). [1]
The Nation estas membro de Asia News Network kaj estas unu el du anglalingvaj gazetoj en Bangkoko, la alia estante la Bangkok Post. Ĝi estis konsiderata gazeto de registro. [2] En 2019 ĝi ĉesis presadon sed ĝi daŭre funkcias surrete.
The Nation estis fondita en 1971 kiel nova anglalingva gazeto, origine nomita The Voice of the Nation (La Voĉo de la Nacio), fare de pluraj tajlandaj ĵurnalistoj, kiuj forlasis la Bangkok Post. [1] Ĝi celis esti loka alternativo al la eksterlandposedata Bangkok Post kaj plenumi internaciajn normojn per "objektiva" ĵurnalismo. En 1973, ĝi aliĝis al la opozicio al la milita diktatoro Thanom Kittikachorn kaj subtenis la pordemokratian studentan movadon. Dum la polarigita periodo de la mezo de la 1970-aj jaroj, The Nation estis klasifikita maldekstre de la politika spektro. Post la masakro de la Universitato Thammasat en 1976, ĝi estis malpermesita de la milita junto. Fine de la 1970-aj jaroj, sub la registaro de la pli pragmata generalo Kriangsak Chomanan, ĝi estis re-registrita sub la nun mallongigita nomo The Nation. Ĝia politiko daŭre estis rigardata kiel liberala. En 1992, ŝi prenis fortan pozicion kontraŭ la milite subtenata registaro de generalo Suchinda Kraprayoon kaj favore al la demokratia movado. [3]
La gazeto havas ĉiutagan eldonkvanton de 80 000 ekzempleroj kaj prezon de 25 bahtoj. Hodiaŭ, ĝi formas la kernon de la Nation Multimedia Group, amaskomunikila konglomeraĵo kiu kreskis ĉirkaŭ ĝi. Ĉi tiu grupo ankaŭ inkluzivas la tajlandlingvan komercan gazeton Krungthep Thurakit.
Gazetoj en Tajlando estas submetitaj al certa nivelo de cenzuro kaj postulas registaran rajtigon por esti eldonitaj. Tamen, anglalingvaj gazetoj, kiel ekzemple ĉi tiu, Bangkok Post, kaj ThaiDay, ŝajnas ĝui pli grandan liberecon en sia enhavo.
Referencoj
[redakti | redakti fonton]- ↑ 1,0 1,1 "Another one bites the dust", Bangkok Post, 7 July 2019.
- ↑ Kittikhoun, Alounkeo. (2022) “Chapter 2: Navigating the Cold War”, Small Countries, Big Diplomacy Laos in the UN, ASEAN and MRC. Taylor & Francis. ISBN 978-1-003-12540-2. “The Thai newspaper of record, The Nation admitted the three villages belonged to 'Lao communist administration.'”.
- ↑ "The Nation creates history", The Nation, February 27, 2008. Arkivigite je 2009-12-04 per la retarkivo Wayback Machine