Thierry Scherrer

El Vikipedio, la libera enciklopedio
Saltu al: navigado, serĉo
Thierry Scherrer
MS-ro Thierry Scherrer la tagon de sia episkopa konsekrado.
MS-ro Thierry Scherrer la tagon de sia episkopa konsekrado.
Persona informo
Nomo Thierry Scherrer
Dato de naskiĝo 22-a de januaro 1959
Loko de naskiĝo Versailles
Okupo episkopo
Aĝo 58
Portalo pri Homoj
v  d  r
Information icon.svg

Thierry Scherrer ([tjeri ŝerer] ; naskiĝis la 22-an de januaro 1959, en Versailles) estas franca episkopo

Li estas episkopo de Laval (Mayenne) ekde la 21-a de majo 2008.

Biografio[redakti | redakti fonton]

Studoj[redakti | redakti fonton]

Post kiam li komencis studojn de beletro en Montpellier kaj medicino en Marseille, Thierry Scherrer eniris en la seminarion de Paray-le-Monial en 1981, antaŭ ol daŭrigi siajn studojn en seminario Saint-Luc de Aix-en-Provence de 1984 al 1987, kaj poste en Instituto de teologiaj studoj[1] de Bruselo de 1987 al 1989, kaj fine en Gregoria Papa Universitato en Romo. Li havas doktorecon pri teologio.

Pastro[redakti | redakti fonton]

Li estis pastrigita la 29-an de junio 1988 por la arĥidiocezo de Aix kaj Arles.

Trapasinte du jarojn en stud-misio en Romo, dum li samtempe estis kapelpastro en preĝejo Saint-Louis-des-Français, li revenis en 1991 al sia diocezo, kiel vikario de la katedralo Saint-Sauveur de Aix-en-Provence kaj pastro por la studentoj, ŝarĝita de la kunordigo de pastrejoj por studentoj de Aix-en-Provence.

De 1996 al 2004, li estis membro de la teamo de instruantoj de Seminario Saint-Luc, Superulo de la komunumo Saint-Jean-Baptiste (Propedeŭtika jaro de dioceza Seminario) kaj episkopa delegito en la dioceza servo de alvokiĝoj. Krome, li estis akompana pastro de dioceza servo de la Episkopa kuracoservo de 1999 al 2004 kaj help-pastro en la servo de paroĥoj de Bouc-Bel-Air kaj Cabriès-Calas de 2002 al 2004.

En 2004, li estis nomumita paroĥestro de paroĥo de Puyricard kaj dekano de Aix-Sainte Victoire, samtempe administrante ekde 2006 la paroĥojn de Peyrolles, Jouques, Meyrargues, Le-Puy-Sainte-Réparade, Saint-Canadet kaj Saint-Paul-lès-Durance kaj de la episkopa unuo Aix-Val de Durance.

En 2007, li fariĝis paroĥestro de la paroĥo de katedralo Saint-Sauveur de Aix-en-Provence kaj dekano de Aix-Sainte Victoire.

Episkopo[redakti | redakti fonton]

La 21-an de majo 2008, li estis nomumita episkopo de diocezo de Laval de Papo Benedikto la 16-a, tiel fariĝante la posteulo de MS-ro Armand Maillard. Lia episkopa ordinado okazis dimanĉon la 6-an de julio 2008 en baziliko Notre-Dame de Pontmain.

Moto[redakti | redakti fonton]

Implemini Spiritu Sancto (« Plenumiĝu en Sankta Spirito »)

Internaj ligiloj[redakti | redakti fonton]

Eksteraj ligiloj[redakti | redakti fonton]