Tomy Tutor
| Tomy Tutor | ||
|---|---|---|
| ||
| modelo de komputilo • modelo • videoludilo vd | ||
| Dum | nekonata - nekonata/nuntempe | |
Tomy Tutor, origine komercigita en Japanio sub la nomo Pyūta (ぴゅう太) kaj en Britio kiel Grandstand Tutor,[1] estas hejma komputilo produktita de la japana ludilfabrikanto Tomy. Ĝi estas arkitekture simila, sed ne identa, al la TI-99/4A, kaj uzas similan, 16-bitan ĉefprocesoron TMS9900 de Texas Instruments.[2] La komputilo estis lanĉita en Japanio en 1982, kaj en la Unuiĝinta Reĝlando kaj Usono la sekvan jaron.[3]
Historio
[redakti | redakti fonton]
Produktita de Matsushita, la komputilo estis publikigita en Japanio en 1982 sub la nomo Pyūta.[3] Tomy priskribis la Tutor, kun 16 KB da RAM, kiel taŭga por ludoj kaj edukado. La kompanio deklaris, ke ĝia dokumentaro permesus al ok-jara infano uzi la komputilon sen plenkreskula superrigardo.[4]
Unu el la ĉefaj mankoj de la Tutor ne estis ĝia aparataro, sed ĝia merkatado : ĝi estis anoncita kiel porinfana komputilo kiam efektive ĝi estis preskaŭ malmultekosta, evoluigita versio de la TI-99/4A, eĉ havante similan 16-bitan procesoron[2] dum aliaj firmaoj en la sama prezokategorio ankoraŭ uzis 8-bitajn procesorojn.
La Pyūta Jr. estis videoludil-versio de la Pyūta, publikigita en aprilo 1983,[5] kaj same estis vendita nur en Japanio.
En Japanio, Tomy havis vendocelon de ĉirkaŭ 90 000 unuoj por la unua jaro, vendante Pyūta al bazlernejaj kaj mezlernejaj lernantoj kiel « desegnokomputilo ». Preskaŭ 40 000 unuoj estis senditaj dum la unuaj kvar monatoj ĝis aŭgusto 1982.[6][7] Tamen, vendoj subite falis kiam Nintendo publikigis la Family Computer (poste konata kiel Nintendo Entertainment System) en 1983 kiel pli kostefika opcio. En februaro 1985, Tomy ĉesigis la produktadon kaj retiriĝis el la merkato.[8]
Aliflanke, Tomy Tutor ne bone vendiĝis kompare kun ZX Spectrum en Britio kaj Commodore 64 en aliaj landoj ekster Japanio. Ĝi estis rapide forigita el la merkato kaj anstataŭigita la sekvan jaron de la Pyūta mk2 kun norma mekanika klavaro anstataŭ la originala klavaro.
Referencoj
[redakti | redakti fonton]- ↑ Simon Beesley (October 1983). "Japan's Latest Contender [title visible on printed version]". Your Computer [UK]. Archived from the original on 2018-12-15. Retrieved 2019-07-19.
Simon Beesley looks at [..] the Tomy Tutor, to be sold in this country as the Grandstand Tutor.
- ↑ 2,0 2,1 TI-vs-Tomy, Floodgap.com
- ↑ 3,0 3,1 Tomy Tutor computer. Alirita 27-a de oktobro 2018 .
- ↑ Mitchell, Peter W.. "A summer-CES report", Boston Phoenix, 6-a de septembro 1983, paĝoj 4. Kontrolita 10-a de januaro 2015.
- ↑ Home Page.
- ↑ Kenichi, Sugimoto. (1986) 任天堂のファミコン戦略 1千万家庭の情報ネットワーク (japane).
- ↑ Teppei, Akagi. (1992) セガvs.任天堂 マルチメディア・ウォーズのゆくえ (japane). JMA Management Center Inc..
- ↑ Ikuo, Kojima. (1994) 風雲ゲーム業界戦国時代 (japane). OS Publishing Company.
Eksteraj ligiloj
[redakti | redakti fonton]- Tomy Tutor ĉe Floodgap.com (angle)