UK 2020
Jump to navigation
Jump to search
| UK 2020 | |
|---|---|
| Loko | Montrealo, Kebekio,  Kanado
|
| Ekde | 1-a de aŭgusto 2020 |
| Ĝis | 8-a de aŭgusto 2020 |
| ← Antaŭa | |
La 105-a Universala Kongreso de Esperanto (UK) okazos en la 1-8-an de aŭgusto 2020 en Montrealo (Kanado). La Kanada Esperanto-Asocio (KEA) estas la invitanto kaj Esperanto-Societo Kebekia (ESK) estas la loka organiza forto de la evento. La lasta fojo, kiam la Universala Kongreso okazis en Kanado, estis en 1984 en Vankuvero, kaj la lasta fojo, kiam la UK okazis en la orienta parto de Nord-Ameriko, estis en 1910 en Vaŝingtono (Usono).
Organiza teamo[redakti | redakti fonton]
La kerna teamo konsistas el ses lokanoj:
- Normand Fleury, la prezidanto de Esperanto-Societo Kebekia (ESK), kiun UEA honoris pro la elstara agado dum la solena fermo de la 102-a UK en Seulo (Sud-Koreujo), estas la LKK-estro.
- Nicolas Viau, vicprezidanto de ESK, estas ankaŭ la vicprezidanto de la LKK.
- Joel Amis, la antaŭa ekzekutiva direktoro de Esperantic Studies Foundation (ESF), estas alia vicprezidanto de la LKK, kiu ankaŭ okupiĝos pri la rilatoj kun la kongresejo.
- Martin Morris, universitata bibliotekisto, estas la LKK-sekretario.
- Garry Evans, profesia ekonomikisto, estas la kasisto.
- Eugenia Amis, redaktoro de La Riverego kaj antaŭa redaktoro de Kontakto, okupiĝos pri la rilatoj kun esperantistoj kaj zorgos pri komunikado.
Eksteraj ligiloj[redakti | redakti fonton]
- Esperanto-Societo Kebekia (ESK)
- Intervjuo kun la LKK (29-a de julio 2017)
- La Riverego (bulteno de ESK)
- Facebook-paĝo de la UK-2020
