Unión de Centro Democrático
(Alidirektita el Unión de Centro Democrático (Hispanio))
Unión de Centro Democrático (Unio de Demokrata Centro) (UCD) estis politika alianco (partiaro) kaj poste politika partio en Hispanio de centro aŭ dekstra flanko, depende de la konsideroj, kies estro estis Adolfo Suárez.
Ĝi fondiĝis kiel politika koalicio maje de 1977 por klopodi elpreni la povon post la disfalo de la reĝimo de Francisco Franco, kies sekvantoj estis multaj el la tiama fondantoj. La koalicio grupigis 16 novbakitajn partiojn. Samjare aŭguste la koalicio iĝis politika partio.