Universitato de Artoj Berlino

El Vikipedio, la libera enciklopedio
Saltu al: navigado, serĉo
Universitato de Artoj Berlino
Universität der Künste Berlin
emblemo
fondodato 1696
speco ŝtata
urbo Berlino, Germanio
gvidanto Martin Rennert
nombro de studentoj 3 600 (somera semestro 2008) [1]
nombro de kunlaborantoj ĉ. 700 (2008)
jara budĝeto ĉ. 64,5 Mio. € (2008)
retejo www.udk-berlin.de
v  d  r
Information icon.svg

La Universitato de Artoj Berlino - germane Universität der Künste Berlin (UdK Berlin); historie Hochschule der Künste Berlin (HdK Berlin) - estas inter la plej aĝaj universitatoj en Eŭropo kaj el la kvar universitatoj de Berlino estas la plej malgranda. La plej aĝa el la antaŭaj artaj institucioj, el kiu evoluiĝis la nuna universitato, fondiĝis en 1686. La universitataj konstruaĵoj situas en la urbodistrikto Charlottenburg-Wilmersdorf de la ĉefurbo de Germanio.

Universitato de Artoj Berlino, konstruaĵo Fasanenstraße


Historio[redakti | redakti fonton]

Antaŭaj branĉoj de la institucio estis "Ŝtern-a konservatorio pri muziko", fondita en 1850, "Akademia Altlernejo pri Muziko", fondita en 1869, kaj "Altlernejo pri Kreaj Artoj", fondita en 1875. En 1966 unuapaŝe unuiĝis la konservatorio kaj la altlernejo pri muziko - la rezulto nomiĝis Staatliche Hochschule für Musik und Darstellende Kunst ("ŝtata altlernejo pri muziko kaj prezentaj artoj").

En 1975 tiu institucio unuiĝis kun la altlernejo pri kreaj artoj al "Altlernejo de Artoj Berlino, germane Hochschule der Künste Berlin (HdK). La altlernejo, tiu en Bremeno kaj tria en Essen estas la la solaj germanaj altlernjoj kiuj unuigas la edukon pri muziko kun tiu pri kreaj artoj.

La 1-an de novembro 2001 la altlernejo ricevis la titolon universitato. La nomŝanĝo tamen ne estas ŝanĝo de statuso: Jam la altlernejo de artoj havis - kiel sola arta edukejo en Berlino - la rajton doni doktorajn titolojn, kaj finance konsideriĝis samranga al la tri ŝtataj universitatoj de la urbo. Kialo por la nomŝanĝo al Universität der Künste Berlin (UdK Berlin) estis la strebo de la universitata gvidantaro, priskribi la gamon de studoj per internacie kutima nomo.[2]

universitata koncertejo (Fasanenstraße)
universitata konstruaĵo Einsteinufer

Inter la historiaj profesoroj de la universitato estas ekzemple

Konstruaĵoj[redakti | redakti fonton]

La universitato konsistas el la sekvaj konstruaĵoj precipe en al berlina urbodistrikto Charlottenburg-Wilmersdorf:

  • Bundesallee ("federacia aleo") 1–12, kvartalo Wilmersdorf (eksa gimnazio Joachimsthal)
  • Einsteinufer 43–53, kvartalo Charlottenburg
  • Fasanenstraße 1b, kvartalo Charlottenburg
  • Fasanenstraße 88, kvartalo Charlottenburg - universitata biblioteko "Volkswagen"
  • Grainauerstraße 12, kvartalo Schöneberg
  • Grunewaldstraße 2–5, kvartalo Schöneberg
  • Hardenbergstraße 9, kvartalo Charlottenburg
  • Hardenbergstraße 33, kvartalo Charlottenburg
  • Hardenbergstraße 41, kvartalo Charlottenburg
  • Karlsruher Straße 7 A,
  • Lietzenburger Straße 45, kvartalo Wilmersdorf
  • Mierendorffstraße 30, kvartalo Charlottenburg
  • Straße des 17. Juni 118, kvartalo Charlottenburg

Eksteraj ligiloj[redakti | redakti fonton]

Notoj[redakti | redakti fonton]

  1. studantoj en la Universitato de Artoj Berlino somera semestro 2008 (germanlingve)
  2. udk-berlin.de: germanlingva artikolo pri la universitata historio

Koordinatoj: 52° 30' 29" norde, 13° 19' 52" oriente