Universitato de Keio
La Universitato de Keio (japane: 慶應義塾大学 [Keiō giĝuku daigaku], angle: Keio University), mallongigo — Keio (慶應 [keiō]) aŭ Kejdaj (慶大 [keidai]), estas la plej malnova kaj unu el la plej prestiĝaj universitatoj de Japanio. Ĝi estis fondita en 1858 fare de la fama edukisto kaj aŭtoro Fukuzaŭa Jukiĉi kiel privatlernejo por okcidentaj studoj. La unuaj fakultatoj ekfunkciis en 1890. Kvankam Keio estis la unua progresema lernejo en Japanio, paliĝis ĝi baldaŭ apud la ŝtate apogita Universitato de Tokio. Tion kaŭzis eble la problemhava rilato de Fukuzaŭa Jukiĉi al la samurajoj, kiuj apogis tiutempe la registaron de Mejĝi. Keio konkuras nune kun Universitato de Ŭaseda por la 2-a loko. Unu el famaj studentoj de Keio estas 87-a 88-a ĉefministro Koizumi Ĝuniĉiro.
Kampusoj
- La ĉefa kampuso troviĝas en Mita en kvartalo Minato en Tokio.
Estas aliaj kampusoj:
- la kampusoj de Jagami kaj de Hijoŝi en Hijoŝi en kvartalo Kohoku en Jokohamo en la gubernio Kanagaŭa,
- la kampuso de Ŝonan-Fuĝisaŭa en Fuĝisaŭa en la gubernio Kanagaŭa,
- la kampuso de Ŝinanomaĉi en la kvartalo Ŝinĝuku en Tokio,
- la kampuso de la urbo Ŝinkaŭasaki en kvartalo Sajŭaj en la urbo Kaŭasaki,
- la kampuso de urbo Curuoka en la urbo Curuoka en gubernio Jamagata,
- la kampuso de Marunouĉi en la kvartalo Ĉijoda en Tokio
kaj Keio de Novjorko.