Unuetaĝa Usono

El Vikipedio, la libera enciklopedio
Saltu al: navigado, serĉo
Ilja Ilf (maldekstre) kaj Eŭgeno Petrov en 1932

Unuetaĝa Usono (ruse Одноэтажная Америка) estas verko fare de Ilja Ilf kaj Eŭgeno Petrov eldonita en 1937 en Sovetunio. Preskaŭ samtempe aperis en Usono la anglalingva traduko (tradukisto – Charles Malamuth) sub titolo “Little Golden America”. Kvarope (ambaŭ kunaŭtoroj kaj geedzoj Adams el Novjorko) en nova limuzino Ford traveturis Usonon de Atlantiko ĝis Pacifiko kaj reen dum du monatoj, fine de 1935 - komence de 1936.

Kvankam la vojaĝo en Usonon okazis delonge, nuntempa leganto ĝuos pro enhavo de la libro, ĉar en ĝi la kunaŭtoroj:

  • profunde kaj detale malkovras kutiman vivon de tiamaj usonanoj;
  • venigas en la indianan vigvamon kaj la meksikian vilaĝon;
  • eksplikas la antaŭpublikan spektaklon toreo okazintan en la ĉelima meksikia urbo Juárez;
  • venigas en la Blanka Domon, kie okazas konversacio inter prezidento Rusvelt (Roosevelt) kaj raportistoj;

Somere de 2006 du famaj rusiaj ĵurnalistoj – akademiano Vladimir Pozner kaj juna Ivan Urgant kune kun usona verkisto Brian Kahn okazigis sian vojaĝon tra Usono laŭ spuroj de Ilf kaj Petrov. Februare de 2008 oni montris premieron de la filmo en rusia TV, kiu prezentis kutiman vivon de la nuna Usono kaj kelkajn ŝanĝojn okazintajn dum lastaj sepdek jaroj.

La libroj far Ilf & Petrov, unuvice Dek du seĝoj, La ora bovido kaj “Unuetaĝa Usono” ĝis nun allogas intereson de rusiaj kaj alilandaj legantoj.

Multe propagandis la verkojn de siaj “du patroj” filino de Ilf – Aleksandra Ilf (1935-2013), kiu sukcese laboris kiel redaktorino en la eldonejo kaj tradukis en la anglan.

"Unuetaĝa Usono" en Interneto[redakti | redakti fonton]

  • [1] tekstoj ruse, angle, esperante kun bildoj
  • [2] deksesparta filmo pri vojaĝo de Pozner, Urgant kaj Khan tra Usono kun aldono de la malnova kroniko
  • [3] ttt-ejo de adorantoj de iliaj verkaĵoj kun multaj tekstoj kaj fotoj ruse