Usonia

El Vikipedio, la libera enciklopedio
Saltu al: navigado, serĉo

Usonia (angle prononcata /juːˈsoʊniə/) en adjektiva formo: Usonian estas vorto kreita de James Duff Law en 1903 por nomi Usonon kaj usonanojn evitante konfuzadon, ĉar la angla American estas la sama por civitano de Usono kaj de alia Amerika lando, kiel Kanado, Brazilo. James Duff Law eksciis, ke alia aŭtoro proponis la vorton "Usona"[1], de tio li elpensis la vorton "Usonia"[2]. Tiu vorto ne havas grandan sukceson en la angla kaj en la plej multo de lingvoj, sed la vorto "Usono" en Esperanto devenas de ĝi (interalie, Zamenhof uzis ĝin en 1910 en la UK en Vaŝingtono).

Historio de la vorto en Esperantujo[redakti | redakti fonton]

En la numero 2/1903 de revuo Espero katolika aperis la informo, ke la vorto Usono en Esperanto estis propono de Samuel Meyer[3] ankaŭ pro tio, ke "Unuiĝintaj Ŝtatoj" forkurigus la usonanojn aŭdintajn, ke ilia lando estas nomata tiel en Esperanto. Tamen Meyer skribis al la revuo por sciigi, ke li ne proponis tion. Li nur komunikis ke en la franca gazeto «Phare de la Loire» oni ŝerĉeme parolis pri tiu nova nomo, kaj aldonis ke laŭ li, ne estas pli bona difino de Unuiĝintaj (aŭ Unuigitaj) Ŝtatoj[4].

En arĥitekturo[redakti | redakti fonton]

La plej konata uzo de tiu vorto estas tiu de usona arkitekto Frank Lloyd Wright por mencii lian vizion por Usono, inklude la planon de urboj kaj la arkitekturo de konstruaĵoj. Wright proponis la uzadon de la adjektivo Usonian anstataŭ American por priskribi la propran karakterizaĵon de Nova Mondo de la Usona pejzaĝo kiel kategoria kaj libera de malnova arkitektura konvencio. Liaj domoj estas usonaj domoj (Usonian houses).

Bildaro pri usonaj domoj (Usonian houses)[redakti | redakti fonton]

Fontoj[redakti | redakti fonton]

  1. Verŝajne kunmetaĵo de la unuaj literoj de "United States Of North America" (Unuiĝintaj Ŝtatoj de Norda Ameriko)
  2. James D. Law, Here and There in Two Hemispheres (Lancaster: Home Publishing Co., 1903), pp. 111–12n.
  3. El numero 2/1903 de revuo Espero katolika (tiam skribita eksperimente nur per malgrandaj literoj): "«uson» estas vorto proponita de s’ meyer por nomi «unuigitajn ŝtatojn amerikajn"». ĝi estas formita el u. s. o. n. literoj komencaj de anglaj vortoj «united states of north»"
  4. En numero 3/1903 de revuo Espero katolika aperis lia letero (la sekvan monaton)]