Vättern

El Vikipedio, la libera enciklopedio
Saltu al: navigado, serĉo
mapo de la lago Vättern

La lago Vättern (kies nomo devenas de la malnovsveda vorto vaetur por "akvo') situas centre en la suda parto de Svedio. Ĝi havas areon de 1.912 kvadrataj kilometroj kaj estas la dua plej granda lago de la lando. La Motala ström konektas ĝin kun la Balta Maro. Per la kanalo Göta ankaŭ ekzistas akva konekto al la plej granda lago de Svedio, la Vänern.

Saŭno sur la vintre glaciigita lago apud Karlsborg.

En sia norda parto la lago averaĝe profundas 25 metrojn, en la suda parto pli ol 100 metrojn - la plej profunda punkto de la lago estas 119 metroj.

La plej granda urbo borde de la lago estas Jönköping kun Huskvarna, pliaj urboj estas Motala, Askersund, Karlsborg kaj Hjo. En la sudo troviĝas la insulo Visingsö. La okcidento de la lago apartenas al la historia provinco Vestrogotio, la oriento al Ostrogotio, la nordo al Neriko kaj la sudo al Smolando.

Ĉiujare dum junio okazas sporta biciklado ĉirkaŭ la lago, la Vätternrundan, kiun ĉiu sportema biciklanto povas partopreni. Ĝi komenciĝas kaj finiĝas en Motala kaj kovras vojon de pli ol 300 kilometroj.

Ligilo[redakti | redakti fonton]