Valera

El Vikipedio, la libera enciklopedio
(Alidirektita el Valera (Venezuelo))
Salti al navigilo Salti al serĉilo
Centro de Valera

Valera estas urbo de Venezuelo situa ĉe la Andoj en la Ŝtato Trujillo. Ĝi estas la ĉefurbo de la Municipo Valera, kaj troviĝas je 545 msm (alto mezurita en la centro de la urbo en la placo Bolivaro) kaj havas areon de 226,4 km. Ĝi estas situa en anda aluvia teraso de rektaj bordoj. La riveroj Motatán kaj Momboy bordas la urbon, tiu lasta nomigas la faman kaj pitoreskan Valo Momboy survoje al la urbo el La Puerta je 1800 msm. Ĝi havas Lat N 9° 19' 30". Krome ĝi estas situa je ĉirkaŭ 33 km de Trujillo (ĉefurbo de la Ŝtato Trujillo) konektita pere de la Autopista Interurbana Valera- Trujillo aŭ Avenuo "General Cruz Carrillo", rapida vojo de 3 kanaloj ĉiuflanke krom la kroma vojo nomita familiare "El Eje Vial" kiu estas la nura oficiala aŭtoŝoseo de la urbo.

La urbo posedas averaĝan temperaturon de 27 °C. Konata kiel "La Ciudad de las siete colinas" (urbo de sep montetoj) estas la plej grava urbo de la Ŝtato Trujillo, eĉ super la ĉefurbo, pro la komercaj kaj industriaj aktivecoj de la zono. Ĝi havis proksimume 165.000 loĝ. en 2015 dum la Ŝtato Trujillo ĉirkaŭ 800.000 loĝantojn[1] laŭ la oficiala informo de la Instituto Nacional de Estadística; kaj la loĝantaro de ĝia metropola areo estas de 250.000 loĝ. proksimume por 2012, koresponde al la municipoj Valera, San Rafael de Carvajal, Escuque, Motatán kaj Rafael Rangel.

Bildaro[redakti | redakti fonton]

Referencoj[redakti | redakti fonton]

  1. Estado Trujillo. «Monografías por Entidad Federal y Municipios». [1] Konsultita la 29an de Januaro 2017.
  • Datos de población (3): Población urbana en Venezuela. 2011. Manuel Gerardo Delgado. UCV-FACES (4) Gobierno Bolivariano. Ministerio del Poder Popular para la educación, Ciencia y tecnología

Eksteraj ligiloj[redakti | redakti fonton]

Centro Comercial Plaza