Valo de la Temploj

El Vikipedio, la libera enciklopedio
Salti al navigilo Salti al serĉilo
Templo en la Valo
Templo de Hera.

La Valo de la Temploj (itale Valle dei Templi) estas arkeologia loko situanta proksime de Agriĝento, en la sudo de Sicilio

La kolonio Akragas (Ἀκράγας en la greka) ekkonstruiĝis ekde la jaro 580 a. K. en la teritorio de la tiama Granda Grekio; ĉiuj temploj de la valoj estis konstruitaj post tiu dato. La «arkeologia zono de Agrigento» estas konsiderata Monda heredaĵo de Unesko ekde 1998​ kaj estas unu el la ĉefaj turismaj cellokoj de la insulo. Ĝi konsistas el la arkeologia parko Valo de la Temploj kaj aliaj spuroj situantaj ĉe la akropolo kaj en diversaj lokoj de la urbo.

La termino "Valo de la Temploj" estas ne tute ĝusta, ĉar pli ol unu valo, la konstruaĵoj troviĝas sur pluraj montoj kiuj ĉirkaŭis la urbon sude.

Ĝi konsistas el ampleksa religia zono en la sudo de la antikva urbo kie konstruiĝis, dum la 6a kaj 5a jarcentoj, sep monumentaj seskolonaj doro-stilaj grekaj temploj. Nuntempe elfositaj kaj parte restaŭritaj, ili konstituas parton el la plej antikvaj grekaj konstruaĵoj kaj plej bone konservitaj ekster la nuna Grekio mem. Iliaj nomoj kaj respektivaj identigaĵoj, krom la templo Olimpia Zeŭso, oni kredas ke ĉiuj aliaj ricevas supozatajn nomojn, kvankam ili daŭre havas tiujn nomojn

La plej bone konservitaj temploj estas du konstruaĵoj tre similaj, tradicie atribuitaj al la diinoj Juno Lacinia kaj Konkordio (kvankam la arkeologiistoj kredas ke tiuj atribuoj estas neĝustaj). Ambaŭ temploj estas konstruitaj laŭ la seskolona stilo.