Vikipedio:Vikipediistoj laŭ vikipediistiĝo

El Vikipedio, la libera enciklopedio
Salti al navigilo Salti al serĉilo

Vikipediistoj laŭ landoj | esperantiĝo | temoj | vikipediistiĝo | redaktu



Vikipediistiĝo[redakti fonton]

Bonvolu listigi vin ĉi tie kaj mencii kiel vi ekkonis la vikipedion.

  • Chuck SMITH : en marto 2001. Mi venis al Vikipedio ĉar mi studis vikiojn en la universitato. Mi opiniis ke la ideo krei enciklopedion per vikio estis bona ŝerco. Poste mi revenis en septembro kaj vidis ke ĝi jam bone progresis kaj rimarkis ke versio en Esperanto ekzistis sen io ajn. Do, per la helpo de aliaj, mi fondis ĝin! :-)
  • Arno Lagrange : per Gugloserĉo mi surprize konstatis ke estas artikolo pri mi en la Vikipedio. Poste mi ne ĉesis viziti ĝin.
  • Unukorno : en printempo 2002. Chuck infektis min.
  • Kolonjano : en junio 2004. Mi ne povis ne redakti artikolon pri kies estiĝo mi hazarde eksciis en la Ĝangala babilejo.
  • Montanesko : en junio 2004. La vikipedion mi trafis vagante tra la reto. Kial mi ne pli frue trovis ĝin?
  • Gangleri : en septembro 2004. Mi longe malaktivis rilate la internacian lingvon. Kelkfoje mi trovis menciion pri plurlingva Vikipedio. Mi ofte serĉadis la interreton kaj batalis kun malaktualiĝintajn informojn. Indas uzi la vikipedian metodon ankaŭ por aliaj liberaj informkolektoj, datumbazoj. Ekzemplojn mi jam trovis. Se iu konas la detalojn, bv. kontaku min.
  • Slavik IVANOV: iam longe antaŭe Chuck SMITH vikipediistigis min dum iuj niaj personaj kontaktoj ĉe E@I. Kvankam mi neniam estis tre aktiva vikipediisto, mi sekvas disvolviĝon de eo.wikipedia.org eble de ĝia fondo.
  • Antono MECHELYNCK: En 2002 mi iel lernis pri ĝi, mi ne plu tre bone scias kiel, eble per retnovaĵoj; mi kreis konton, lasis kelke da ŝpuroj, kaj forgesis pri la tuto. Nun (julio 2005) mi estis ree atentigata, ĉi-foje per lista retmesaĝo pri la anglalingva vikipedio, kaj refoje kreis kontojn. Espereble mi ne plu forgesos.
  • P.Fiŝo: en marto de 2005 jaro mi faris unuan korekton en vikio kaj plu agas ĉitie.