Villaciervos

Villaciervos
Administrado
Poŝtkodo	42192 [+]
Demografio
Loĝantaro	78 (2022) [+]
Loĝdenso	1 loĝ./km²
Geografio
Geografia situo	41° 46′ N, 2° 38′ U (mapo)41.761944444444-2.6263888888889Koordinatoj: 41° 46′ N, 2° 38′ U (mapo) [+]
Alto	1 183 m [+]
Areo	81,67 km² (8 167 ha) [+]
Horzono	UTC+01:00 [+]
	Villaciervos (Provinco Sorio) Villaciervos
	Situo de Villaciervos
	Villaciervos (Hispanio) Villaciervos
	Situo de Villaciervos
Alia projekto
	Vikimedia Komunejo Villaciervos [+]
	v • d • r

Villaciervos [biljaZIERbos] estas municipo de Hispanio, en la regiono de Kastilio kaj Leono, provinco Sorio kaj komarko Komarko de Sorio en la centro de la provinco. La loknomo Villaciervos estas etimologie komprenebla kiel Vilaĝo de Cervoj.

Geografio[redakti | redakti fonton]

Ĝia municipa teritorio okupas totalan areon de 81,34 km² kaj laŭ la demografia informo de la municipa censo fare de la INE en 2021, ĝi havis 72 loĝantojn. Ĝi perdis loĝantojn dum la 20-a jarcento pro migrado al urbaj areoj, kiel ja okazis en multaj loĝlokoj de la regiono, fakte perdis pli ol 500 loĝantojn el la 1900-aj jaroj.

Ĝi distas 13 km de Sorio, provinca ĉefurbo. La municipo enhavas la loĝlokojn Villaciervitos (diminutivo) kaj Villaciervos. Ĝi limas kun Abejar, Cidones, Calatañazor kaj Golmayo.

En la teritorio inkludita en la Reto Natura 2000 estas la Loko de Komuna Intereso konata kiel Sabinares Sierra de Cabrejas, okupanta 6 080 hektaroj, nome 75 % de la teritorio.

Historio[redakti | redakti fonton]

La areo apartenis unue al la Regno Kastilio. En Mezepoko okazis reloĝado fine de la 10-a jarcento.

Aktualo[redakti | redakti fonton]

Tradiciaj enspezofontoj estis agrikulturo (cerealoj), forstado kaj brutobredado (ŝafoj kaj bovoj). Lastatempe funkciado de servoj plej ekgravis, kune kun kultura kaj rura turismo, piedirado tra naturaj lokoj. Inter vidindaĵoj estas la du preĝejoj, kvar ermitejoj kaj horloĝturo.