Viola eŭfonjo
 | ||||||||||||||
|---|---|---|---|---|---|---|---|---|---|---|---|---|---|---|
.jpg) Viola eŭfonjo, masklo
.jpg) Viola eŭfonjo, ino
| ||||||||||||||
| Biologia klasado | ||||||||||||||
| ||||||||||||||
| Euphonia violacea (Linnaeus, 1758) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
La Viola eŭfonjo, Euphonia violacea, estas specio de birdo de la genro de Eŭfonjoj, kiuj nun estas konsiderata membro de la familio de Fringedoj, sed antaŭe de la Traŭpedoj. Tiu genro enhavas birdojn kiuj estas tipe metalece malhelbluaj supre kaj brilflavaj sube. Multaj havas kontrastajn palajn fruntojn kaj blankajn subvostojn. Kelkaj havas helbluajn makulojn kape aŭ oranĝecajn subajn partojn.
Ĝi estas neotropisa specio de loĝantaj birdoj el Trinidado, Tobago kaj orienta Venezuelo suden al Paragvajo kaj nordorienta Argentino. La teritorio de tiu birdo en norda Brazilo estas la pli suba parto de la Amazona Baseno kaj la apuda baseno de la Rivero Tocantins, kun ties nordokcidentaj limoj inter Brazilo kaj Gujanoj, la orientaj bordoj de labaseno de la Rivero Orinoko en centra Venezuelo.
Ili loĝas en arbaroj, duarangaj arbaroj kaj plantejoj de kakao kaj de citrusoj. La bulforma nesto estas konstruita en bordo, arbostumpo aŭ kavaĵo kaj la tipa ovaro estas de 4, foje 3, ruĝmakuletecaj blankaj ovoj, kiuj estas kovataj de la ino.
Plenkreskuloj de Viola eŭfonjo estas 11.4 cm longaj kaj 14 g pezaj. La masklo havas brilblunigrajn suprajn partojn kaj tre orflavajn frunton kaj subajn partojn. Ino kaj nematurulo estas olivecverdaj supre kaj verdecflavaj sube. Beko kaj kruroj estas blugrizaj.
Tiuj estas sociaj birdoj kiuj manĝas ĉefe malgrandajn fruktojn kaj nur rare manĝas insektojn. La kanto de la Viola eŭfonjo estas varia mikso de muzikecaj notoj, krioj, babilado kaj imitado.
Membroj de la genro Euphonia estas aprezataj kiel kaĝobirdoj kaj multaj specioj estas minacataj pro troa kaptado, sed tiu specio profitas de relative neatingebla habitato.
Referencoj
[redakti | redakti fonton]- BirdLife International (2004). Euphonia violacea. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 12a Majo 2006. Malplej Zorgiga
- ffrench, Richard. (1991) A Guide to the Birds of Trinidad and Tobago, 2‑a eldono, Comstock Publishing. ISBN 0-8014-9792-2.
- Hilty, Steven L. (2003) Birds of Venezuela. Londono: Christopher Helm. ISBN 0-7136-6418-5.
Eksteraj ligiloj
[redakti | redakti fonton]- Filmetoj de Viola eŭfonio[rompita ligilo] ĉe Internet Bird Collection
- Poŝtmarkoj (el Trinidado kaj Tobago) kun teritoria mapo
- Fotar de Viola eŭfonio VIREO Foto-Alta Rez
| ||||||||||||||||||
