Viola koturnokolombo
 | ||||||||||||||
|---|---|---|---|---|---|---|---|---|---|---|---|---|---|---|
.jpg) | ||||||||||||||
| Biologia klasado | ||||||||||||||
| ||||||||||||||
| Konserva statuso | ||||||||||||||
 Proksimuma teritorio
| ||||||||||||||
Aliaj Vikimediaj projektoj
| ||||||||||||||
La Viola koturnokolombo, Geotrygon violacea, estas specio de kolombo de la familio de Kolombedoj, Columbidae, kiu enhavas kaj kolombojn kaj turtojn. Ĝi estas trovebla en Argentino, Bolivio, Brazilo, Kolombio, Kostariko, Ekvadoro, Nikaragvo, Panamo, Paragvajo, Peruo, Surinamo kaj Venezuelo. Ties naturaj habitatoj estas tropikaj kaj subtropikaj humidaj arbaroj de malaltaj teroj kaj tre degraditaj iamaj arbaroj.
Tiu kolombo estas 30 cm longa kaj la plenkreskuloj pezas 100 ĝis 280 g. Estas kolombo kun tre brunaj supraj partoj kaj blankaj subaj partoj kaj griza kapoverto. En brusto estas grizeca nuanco kaj pli rimarkinde tre violaj briloj en kolflankoj kaj supra dorso, kio nomigas la specion kaj en la komuna kaj en la scienca nomoj. La beko kaj kruroj estas ruĝecaj. La iriso estas flaveca, fajna okulringo ruĝa kaj pli larĝa okulringo blankeca same kiel vango kaj gorĝo.
Ili estas videblaj ĉu solaj aŭ en malgrandaj grupoj. La ino demetas du ovojn.
Oni konas du subspeciojn de Geotrygon violacea:[1]
- Geotrygon violacea albiventer - De Nikaragvo ĝis nordo de Kolombio kaj okcidento de Venezuelo.
- Geotrygon violacea violacea - De Surinamo al oriento de Brazilo, Peruo[2], Bolivio, Paragvajo kaj nordoriento de Argentino.
Notoj[redakti | redakti fonton]
- ↑ Clements, J. F. 2007. The Clements Checklist of Birds of the World, 6th Edition. Cornell University Press. Elŝutebla el Cornell Lab of Ornithology
- ↑ Peruaves. «Violaceous Quail-Dove». Peru Aves. Konsultita la 18an de Februaro 2021.
| ||||||||||||||||||