Saltu al enhavo

Vladimir Kara-Murza

El Vikipedio, la libera enciklopedio
Vladimir Kara-Murza
Persona informo
Naskiĝo 7-an de septembro 1981 (1981-09-07) (42-jaraĝa)
en Moskvo
Lingvoj rusaangla
Ŝtataneco Rusio
Unuiĝinta Reĝlando (Britio)
Sovetunio Redakti la valoron en Wikidata
Alma mater Halo Triunuo
The John Lyon School (en) Traduki Redakti la valoron en Wikidata
Familio
Patro Vladimir Kara-Murza (en) Traduki Redakti la valoron en Wikidata
Edz(in)o Evgenia Kara-Murza (en) Traduki Redakti la valoron en Wikidata
Infanoj 3
Okupo
Okupo politikisto
kolumnisto
publikigisto
filmreĝisoro
ĵurnalisto
historiisto
dokumenta verkisto Redakti la valoron en Wikidata
vdr
Vladimir Kara-Murza en junio 2021

Vladimir Vladimiroviĉ Kara-Murza (ruse Владимир Владимирович Кара-Мурза; naskiĝis la 7-an de septembro 1981 en Moskvo) estas rusa politikisto kaj ĵurnalisto.

Familio[redakti | redakti fonton]

Li estas filo de rusa ĵurnalisto kaj televidgastiganto Vladimir Aleksejeviĉ Kara-Murza (1959–2019), sincera kritikisto de Leonid Breĵnev kaj subtenanto de reformoj sub Boris Jelcin. Lia patrino estas juda.[1] Lia patro estis pranepo de latva revoluciulo Voldemārs Bisenieks (1884–1938), kaj pranevo de la unua ambasadoro de Latvio al Britio, Georgs Bisenieks (1885–1941), kiuj ambaŭ estis pafitaj fare de la NKVD. La latva agronomo kaj eldonisto Jānis Bisenieks (1864–1923) estis ilia pli maljuna frato.[2]

Li ankaŭ estas parenca al Sergej Kara-Murza (naskita en 1939), sovetia/rusa historiisto, apotekisto kaj filozofo. Ili estas membroj de la familio Kara-Murza, posteuloj de tatara aristokrato kiu ekloĝis en Moskvo kaj konvertiĝis al kristanismo en la 15-a jarcento (la nomo en traduko signifas "Nigra Sinjoro".)

Kara-Murza bakalaŭriĝis kaj magistriĝis pri historio en la universitato de Kembriĝo en Anglio. Kun sia edzino, Jevgenia, li havas tri infanojn.

Vivo[redakti | redakti fonton]

Kara-Murza estis membro de la partio "Demokratia Elekto de Rusio" de 1999 ĝis 2001.[3] Inter 2001 kaj 2008 li apartenis al la "Unio de Dekstraj Fortoj" (ruse Союз правых сил (СПС), ZaJUZ praviĥ sil). En 2015 li estis konsilisto de Boris Nemcov kiu estis murdita en Moskvo. Ili kune publikigis artikolon titolitan “Pri Danĝero de Putinismo” en la ĵurnalo Nezavisimaja Gazeta (ruse Независимая газета, do "Sendependa Gazeto") en januaro 2004 kaj estis membroj de la opozicia alianco "Komitato 2008: libera elekto" (ruse Комитет 2008: Свободный выбор).

Ekde 2014 Kara-Mursa laboras por Malferma Rusio (ruse Открытая Россия; Otkritaja Rossija), fondaĵo de la Kremla kritikisto Miĥail Ĥodorkovskij.[4]

Venenaj atakoj en 2015 kaj 2017[redakti | redakti fonton]

En majo 2015 li estis en komato dum semajno post subita rena malfunkcio. La kuracistoj diagnozis severan veneniĝon, sed ne povis identigi la kaŭzan substancon. Por medicina rehabilitado, Kara-Murza pasigis duonjaron en Usono. Lia edzino kaj tri infanoj ekde tiam pro sekurecaj kialoj loĝas en Vaŝingtono. En februaro 2017 sekvis dua venena atako. Kuracistoj ĉe li diagnozis polineuropation, malsanon de la periferia nerva sistemo, verŝajne kiel rezulto de la venenaj atakoj.

Aresto en 2022[redakti | redakti fonton]

Post la komenco de la rusia invado de Ukrainio la 24-an de februaro 2022, la rusia registaro plu limigis la gazetaran liberecon en Rusio. Fine de februaro Kara-Mursa formis kontraŭmilitan komitaton kun Garri Kasparov, Miĥail Ĥodorkovskij kaj aliaj. La 11-an de aprilo 2022, li estis arestita fare de la polico antaŭ la pluretaĝa konstruaĵo en Moskvo en kiu li vivas en loĝejo kaj la venontan tagon juĝita je 15 tagoj en malliberejo en resumaj procedoj. La 22-an de aprilo 2022, li estis klasifikita kiel eksterlanda agento en Rusio. Krimproceso ankaŭ estis malfermita pro "malveraj deklaroj pri la rusia armeo".

Kondamno en 2023[redakti | redakti fonton]

La 17-an de aprilo 2023, pro lia publika kritiko de la Ukrainia milito, Kara-Mursa estis kondamnita je 25 jaroj en punkolonio pro severa ŝtata perfido, la maksimuma ebla puno kaj malgraŭ sia polineuropatia malsano. Moskva tribunalo decidis ke li estis kulpa de ŝtatperfido kaj aliaj deliktoj kiel ekzemple disvastigo de "malveraj informoj pri la armeo" kaj laborado por "nedezirinda" organizaĵo. Kara-Murza neis ĉiujn akuzojn, sed diris kelkajn tagojn pli frue, ke li ne bedaŭros pri iuj el la deklaroj kiujn li faris.

Referencoj[redakti | redakti fonton]

  • Tiu teksto ekestis la 19-an de aprilo 2023 je traduko de la germanlingva vikipedia teksto W. Kara-Mursa kaj iom de la anglalingva teksto V. Kara-Murza de tiu dato