Vyšný (Křišťanov)

	Vyšný
	germane Miesau
	pereinta vilaĝo
	Renovigita kapelo en Vyšný
	Oficiala nomo: Vyšný
Ŝtato	Ĉeĥio
Regiono	Sudbohemia regiono
Distrikto	Distrikto Prachatice
Administra municipo	Křišťanov
Historia regiono	Bohemio
Montaro	Šumava
Domoj	6 2011
Situo	Vyšný
- alteco	887 m s. m.
- koordinatoj	48° 54′ 26″ N 14° 00′ 01″ O / 48.90722 °N, 14.00028 °O (mapo)
Katastro	17,95 km² (1 795 ha) Křišťanov
Unua skribmencio	1343
Horzono	MET (UTC+1)
- somera tempo	MET (UTC+2)
Poŝtkodo	383 01
	Situo enkadre de Ĉeĥio Situo enkadre de Ĉeĥio
	Vikimedia Komunejo: Vyšný (Křišťanov)
	Portalo pri Ĉeĥio

Por aliaj signifoj, bv. rigardi la apartigilan paĝon: Vyšný

Koordinatoj: 48° 54′ 26″ N 14° 00′ 01″ O / 48.90722 °N, 14.00028 °O (mapo)

Vyšný (antaŭe Mísava, germane Miesau) estas pereinta vilaĝo en Ĉeĥio, parto de municipo Křišťanov en distrikto Prachatice. Ĝi troviĝis proksimume 8 km oriente de Volary, super valo de Blanice kaj rojo Puchéřský potok.

Vyšný situas en katastra teritorio Křišťanov kun areo 17,95 km².

Historio

En la fondantaj dokumentoj de monaĥejo Zlatá Koruna estas iama domaro Vyšný unuafoje menciata en la jaro 1343 sub nomo Ebenaw. Ekde la jaro 1398 ĝi estas nomata Miesau. La vivtenado de lokaj loĝantoj estis agrikulturo kaj vitrofarado. La ampleksa pluvmarĉa malsekejo estis dearbarigita kaj la grundo fekundigita. La vitrofarejo "Misav" estis unuafoje menciita en la 15-a jarcento. Oni laboris en la vitrofarejo en la jaroj 1602 – 1793 kaj oni eksportis de ĉi tie spegulan vitron ĝis Nurenbergo. En la jaro 1722 eksplodis en la vitrofarejo incendio, kiu neniigis grandan parton de la domaro. Laboron de la vitrofaristoj rememorigas lokaj nomoj Spálenec kaj Puchéřský potok. En la jaro 1809 estis fondita vitrofarejo en la najbara Arnoštov. El sep putoj, riĉaj je akvo, en Vyšný, parto de akvo estis forkondukita tra kanalo ĝis Arnoštov. Al la jaro 1930 vivis en Vyšný en 14 domoj 95 loĝantoj, el kiuj ĉiuj estis germanoj.^[1] Antaŭ la jaro 1946 en Vyšný troviĝis 15 domoj, kelke da krucoj, diaj torturoj, meze de la domaro pli granda kapeleto. Post deviga forŝovo de germana loĝantaro la agrikulturaj areoj estis primastrumadaj de ŝtato. La domoj iom post iom kadukiĝis kaj en la 1970-aj jaroj la konstruaĵoj en la tuta domaro estis egaligitaj kun la tero.

Nuntempo

En la jaro 2004 estis en Vyšný denove konstruita kapelo kaj estis rekonstruitaj restaĵoj de putoj. Ĉe ŝoseo Křištanov – Arnoštov estas belvidejo al Boubín, Bobík, Plechý kaj Knížecí stolec.