William Cranch Bond

El Vikipedio, la libera enciklopedio
Saltu al: navigado, serĉo
William Cranch Bond

William Cranch
William Cranch Bond

Persona informo
Nomo William Cranch Bond
Dato de naskiĝo 9-a de septembro 1789
Loko de naskiĝo Portland (Majno)
Dato de morto 29-a de januaro 1859
Loko de morto Kembriĝo (Masaĉuseco)
Okupo
Aĝo je morto 69
v  d  r
Information icon.svg

William Cranch Bond (naskiĝis la 9-an de septembro 1789 en Portland (Majno), mortis la 29-an de januaro 1859 en Kembriĝo (Masaĉuseco)) estis usona astronomo Li estis la unua direktoro de la observatorio de la Universitato Harvard.

Vivo[redakti | redakti fonton]

Li estis horloĝisto, repreninte la metion de sia patro. En 1806 li spektis suneklipson kaj iĝis amatora astronomo; kiam li konstruigis sian unuan domon, li faris de tiu observatorion por observi la ĉielon per teleskopo de sia salono.

Astronomio[redakti | redakti fonton]

Liaj observoj vekis la intereson de la universitato Harvard, en kiu li estis enoficigita kiel direktoro de ĝia observatorio, kiu ĵus malfermiĝis en 1839.

Malkovro de Hiperiono[redakti | redakti fonton]

Tie, helpata de sia filo George Phillips Bond, li malkovris novan sateliton de Saturno[1] la 16-an de septembro 1848. Du tagoj poste William Lassell malkovris ĝin sendepende kaj nomis ĝin Hiperiono[2].

Astrofotografio[redakti | redakti fonton]

Inspirita de la laboroj Edmond Becquerel, kiu sukcesis fari dagerotipion de la suna spektro, li ekkonsciis, ke la fotarto povus esti grava helpo al la astronomio. La nokton de la 18-a de decembro 1849 li sukesas fari tre detalan foton de Lunon, kun eksponperiodo de 20 minutoj dank al aŭtomata sistemo de sekvado. En 1850, kunlaborante kun John Adams Whipple, li fotis Vegan kaj en 1857, Mizaron (ζ de la Granda Ursino), per la teleskopo de 38 cm de la observatorio de Harvard.

Per ĉi-tiu instrumento li faris studojn pri la sunmakuloj, Orion-nebulo kaj Saturno, kies la ringon C li malkovris.

Honoroj[redakti | redakti fonton]

Li estis la unua usonano, kiu estis akceptita en la Royal Astronomical Society de Londono, en 1857.

Post lia morto ricevis lian nomon:

Noto kaj referencoj[redakti | redakti fonton]

  1. Paĝaro pri planeda nomenklaturo ĉe la retejo de la usona geologia agentejo USGS (angle)
  2. Hiperiono, netipa satelito (el "Le club d'Astronomie de la réserve naturelle Hettange-Grande") (france)

Eksteraj ligiloj[redakti | redakti fonton]