Zombo (Malavio)

Zombo
urbo ; urbego vd
Administrado
Demografio
Loĝantaro	101 140 (2008) [+]
Geografio
Geografia situo	15° 23′ S, 35° 19′ O (mapo)-15.38595735.318801Koordinatoj: 15° 23′ S, 35° 19′ O (mapo) [+]
Alto	949 m [+]
	Zombo (Malavio)
	Situo de Zombo
Alia projekto
	Vikimedia Komunejo Zomba, Malawi [+]
	v • d • r

Zombo estas urbego kun universitato kaj katolika diocezo, iama ĉefurbo de Malavio. La urbo estas plej konata pro sia brita kolonia arkitekturo.

Demografio

En 2018 loĝantaro de Zombo estis 105 013. En la 2010-aj jaroj la urbo atingis la internacian kvalifikon urbego (pli granda, ol cent mil).

Geografio

Zombo situas sur altebenaĵo. La rivero Mulunguzi fontas el la altebenaĵo kaj fluas tra la urbo.

Historio

Zombo iam estis centro por elmigrintoj en Malavio. Ĝia diversa kultura miksaĵo inkluzivis britajn tabakkultivistojn kaj nederlandajn, germanajn kaj usonajn alvenintojn. La urbo estis la ĉefurbo unue de Brita Centra Afriko kaj poste de Njasalando, fine de Malavio de 1964 ĝis 1974, kiam Lilongvo fariĝis la ĉefurbo. La parlamento restis eĉ pli longe, ĝis 1994.

Ekonomio

Zombo estas la centro por la tabako- kaj laktobienoj de la ĉirkaŭa regiono, kiu ankaŭ produktas rizon, maizon, fiŝojn. Merkato butikaro troveblas en la urbocentro. La butikistoj plejparte estas ĉinoj aŭ hindianoj. Krom la evidentaj servoj (banko, poŝto, sanservo, ktp ankaŭ malliberejo funkcias.

Trafiko

La urbo estas atingebla laŭ aŭtovojo. Ene mikrobusoj kaj taksioj liveras la pasaĝerojn, ekstere kamionoj kaj ŝarĝaŭtoj. La plej proksima flughaveno funkcias 75 kilometrojn sude de Zombo. Lilongvo estas 4 horojn per aŭto. Tamen, biciklado kaj piedirado estas la plej vaste uzataj transportiloj.

Eduko

Universitato de Malavio funkcias en tiu urbo.

Klimato

Zombo havas tropikan klimaton, tamen la alteco influas ĝin. Jare averaĝe pluvas po 1340 mm. Inter novembro-marto pli ofte pluvas, inter junio-septembro apenaux pluvas. La temperaturo jare estas 16 °C.

Bildoj pri Zombo