Internet Explorer
| Internet Explorer | |
|---|---|
| |
| Aŭtoro | Microsoft |
| Programisto | Microsoft |
| Lasta stabila versio | 11 (2015) |
| Operaciumo | Vindozo, Mac OS |
| Programlingvo | C++ |
| Permesilo | Microsoft EULA |
| Retejo | Elŝutebla de microsoft.com |
Internet Explorer (ankaŭ konata kiel IE aŭ MSIE, esperante Interreta Esplorilo[1]) estas retumilo (foliumilo) de Interreto produkita de Microsoft por ĝia operaciumo Vindozo kaj poste por Apple Macintosh.
Ĝi estis kreata dum 1995 post aĉeto fare de Microsoft de la kodo de Mosaic, retumilo de la firmao Spyglass. Poste Microsoft ŝanĝis ĝian nomon al Internet Explorer.
Historio[redakti | redakti fonton]
La unuaj versioj, bazitaj sur Mosaic, ne minacis la aŭtoritaton de Netscape Navigator, ĉar ili estis simplaj kaj ne povis prilabori la plej popularajn specifaĵojn de Netscape, kiel framojn (angle Frames) aŭ ĝavaskripton (angle JavaScript).
La aktuala (kaj fina) versio estas IE11 (Internet-Explorer 11, Esperante Interreta Esplorilo 11), kiu nur funkcias sub Vindozo 7, 8, 8.1 kaj 10.
Milito de retumiloj[redakti | redakti fonton]
Vidu Milito de retumiloj.
Fino kaj rezulto[redakti | redakti fonton]
Ĉirkaŭ la jaro 2000 Internet Explorer (precipe la versioj 5 kaj 6, precipe en la jaro 2002) havis monopolon inter la TTT-legiloj.
Tion helpis la kombino de jenaj aferoj:
- IE estis „senpage“ inkluzivata kun Vindozo (efektive por rajti uzi vindozan IE'on oni devis havi rajton uzi iun el certaj versioj de Vindozo, do eble nerekte pagis pro ĝi). Tial en kelkaj juĝprocesoj kontraŭ Microsoft pro misuzo de ĝia monopolo oni postulis, ke ĝi plievidentigu al uzantoj la eblecon uzi retumilojn de konkurantoj aŭ almenaŭ ebligu al ili tutan neuzadon de IE (tutan neinstalon aŭ forigon de IE el Vindoza instalaĵo Microsoft asertadis neebla).
- Multaj retejoj estis (kaj iuj plu estas) farataj ne laŭ iuj sufiĉe neŭtralaj kaj publikigitaj normoj, sed laŭ tio, kion verŝajne subtenas iu populara retumilo. Sekve estiĝis kvazaŭ neoficiala monopolo de Microsoft pri TTT-normigo (oficialaj publikaj normoj tamen disvolviĝis iom sendepende de Microsoft, vidu sube).
- Pro la ekskluziveco de IE en Vindozo, pro la monopolo, kaj verŝajne pro la nomo de la programo, iuj konfuzas Internet Explorer·on kun Interreto, kaj eĉ misuzas la emblemon de IE, bluan „e“, kvazaŭ ĝi estus la emblemo de Interreto aŭ de TTT. En filmo publikigita de Google multaj uzantoj de TTT entute ne sciis, kio estas TTT-legilo.
Inter la jaroj 2001 (IE6) kaj 2006 (IE7) Microsoft faris nur tre malmulte da plibonigoj en sia retumilo, kaj kelkaj rigardas tion kiel kaŭzinta kelkjaran halton de progreso de TTT. Rezulte de la “milito” IE6 ne bone akordis kun la normoj de W3C, kaj ĉar ĝi restis ankoraŭ iom populara eĉ en la jaro 2009, multaj retejposedantoj devis prokrasti adopton de novaj kapabloj aperantaj en la plejmulto de la ceteraj popularaj retumiloj (kaj eĉ en novaj versioj de IE mem, ekzemple ĝusta montrado de travideblaj PNG-bildoj) aŭ speciale akordigi la TTTejojn, por ke ili estu uzeblaj ankaŭ per IE6.[2] En la jaro 2009 ankoraŭ restis retejoj kaj firmaoj kiuj postulis uzadon de nur IE, fojfoje eĉ nur IE6[3].
Dume Internet Explorer 7 kaj 8 ankoraŭ ne subtenos SVG·on, kiun iagrade subtenas ĉiu el la ceteraj popularaj TTT-legiloj.[4]
Referencoj[redakti | redakti fonton]
- ↑ http://esperanto-nb.de/tekniko/tekniko.html
- ↑ Calling time on IE6 (angle). .net magazine. Future Publishing (2009-02-23). Alirita 2009-07-29.
- ↑ Cade Metz (2009-07-08). Orange UK exiles Firefox from call centres: £250 threat sends rogue reps back to IE6 (angle). The Register. Alirita 2009-07-29.
- ↑ Svensson, Peter (2008-09-10). Creator of Web spots a flaw in Internet Explorer (angle). MSNBC.COM. The Associated Press, Microsoft. Arkivita el la originalo je 2011-08-25. Alirita 2009-07-29.
Vidu ankaŭ[redakti | redakti fonton]
| ||||||||||||||||||||
