Uterito
Uterito estas inflamo de utero. Ĝi manifestiĝas per lokaj, apudaj kaj refleksaj simptomoj. La plej gravaj lokaj simptomoj estas:
- doloro, kiu kelkfoje intensiĝas kvazaŭ koliko, kaj propagiĝas al lumboj, femuroj ktp.
- leŭkoreo (elfluo).
- hemoragioj pli aŭ malpli abundaj. Ĝenerale la menstruo iĝas neregula.
La apudaj simptomoj estas urinvezikaj (ofta, urĝa kaj ŝajna bezono de urinado, doloro), rektumaj (doloro, mallakso), ovariaj (doloroj kelkfoje tre akraj). La refleksaj simptomoj estas digestaj (naŭzoj, vomoj, stomakdoloro, mallakso, gasa disstreĉo de la intesto, hepataj perturboj); cirkulaj (palpitacio, taĥikardio, ekstrasistolo, doloro aŭ angoro en la antaŭkora regiono, nedaŭra hipertensio); spiraj (seka tusado, spasma korizo); nervaj (neŭrastenio, hipokondrio, neuralgioj, vertiĝo) ktp.