Kristodorno
Kristodorno ( Paliurus spina-christi ) (sin.: P. aculeatus Lam., P. australis Gaertn., kaj Rhamnus paliurus L.) estas plantospecio, kiu apartenas al ramnacoj (Rhamnaceae). Ĝia nomo eble venas el tio, ke oni uzis tion en dornokrono.
Priskribo[redakti | redakti fonton]
Ĝi estas falfolia arbeto altante 3-5 m, kun fortaj dornoj. La pinglopikaj dornoj staras duope, alterne kreskante sur la branĉoj dekstre-maldekstre. La brilfolioj estas rondformaj aŭ ovoformaj, starantaj en du vicoj. La folioj longas 2–4 cm, la folirando estas fajne dentita.
La flav-verdaj floretoj (diametro 2 mm) floras en junio-julio en foliaj akseloj, en grapolo. La fruktoj grandas 2–3 cm kaj meze pintiĝas la grajno, kiun ĉirkaŭas ondranda flugiga flugilo.
