Olof Pettersson
| Olof Pettersson | |
|---|---|
| Persona informo | |
| Naskiĝo | 28-an de februaro 1978 en Stokholmo |
| Lingvoj | Esperanto • sveda • angla |
| Nacieco | sveda |
| Okupo | |
| Okupo | esperantisto |
Olof Pettersson - naskiĝis la 28-an de februaro 1978 - estas sveda esperantisto, kiu naskiĝis kaj ankaŭ laŭ la stato de 2022 loĝas en Stokholmo. Li esperantiĝis fine de la 1990-oj kiam li partoprenis komencantajn kursojn ĉe la Esperantoklubo de Stokholmo. 2006 kaj 2007 li re-aktiviĝis per partoprenado en du mallongaj distanckursoj por Esperanto-komencantoj ĉe la universitato de Umeå en norda Svedio, kaj 2007–2008 li studis kurson pri Esperanto kaj interlingvistiko ĉe la universitato de Stokholmo. 2012 li gajnis stipendion de UEA por partopreni Internacian Someran Terminologian Trejnadon (angle: International Terminology Summer School) dum semajno en Vieno, Aŭstrio[1] kaj post tio iĝis kunlaboranto de Terminologia Esperanto-Centro (TEC)[2].
En 2007 li estis elektita kiel estrarano de Sveda Esperanto-Federacio (SEF) kaj iĝis vicprezidanto 2010–2016. Ekde 2008 li estas kunredaktisto de La Espero. Dum la Sveda Esperanto-Kongreso 2016 en Gdansko, Pollando, li estis elektita prezidanto de SEF, kaj ekde almenaŭ marto 2022 denove funkcias kiel vicprezidanto.[3]
Profesie li estas laboras kiel komputila teknikisto en gimnazia lernejo, kaj samtempe studas lingvistikon ĉe la universitato de Stokholmo[4] kaj samtempe ankoraŭ plukunlaboras en sia antaŭa universitato de Upsalo.[5]
Referencoj[redakti | redakti fonton]
- ↑ raporto de li pri la Internacia Somera Terminologia Trejnado de 2012, arkivigita laŭ stato de julio 2020 (esperante)
- ↑ informoj pri la terminologiaj instancoj de UEA en la retejo uea.org, aktuala en julio 2016 kaj daŭre en novembro 2022
- ↑ Pluraj retejoj citas lin per la nomo Olof Pettersson, ekemple jen en edukado.net, sed la retejo de Sveda Esperanto-Federacio en majo 2022 (jen arkivigata, ĉar la paĝo mem iam ŝanĝiĝos - klaku la butonon "Struktur") skribas lian nomo Olof Petterson kun nur unu "s"
- ↑ vidu lian prezenteto en la retejo uea.org, kiu asertas citi el edukado.net
- ↑ informo pri li de la retejo philpeople.org pri filozoziaj fakuloj (angle)
Eksteraj ligiloj[redakti | redakti fonton]
- prezenteto en la retejo uea.org (esperante)