Saltu al enhavo

Ahmad Reza Mamduhi

El Vikipedio, la libera enciklopedio
Ahmad Reza Mamduhi
Ahmad Reza Mamduhi, prelegante dum la 2-a Irana Esperanto-Kongreso.
Ahmad Reza Mamduhi, prelegante dum la 2-a Irana Esperanto-Kongreso.
Persona informo
Naskiĝo 28-an de aprilo 1960 (1960-04-28) (64-jaraĝa)
en Maŝhado
Lingvoj Esperanto
Ŝtataneco Irano
Alma mater Universitato Ŝahid Beheŝti Redakti la valoron en Wikidata
Okupo
Okupo esperantisto
arkitekto
tradukisto Redakti la valoron en Wikidata
v • d • r

Ahmad Reza Mamduhi (perse احمدرضا ممدوحی‎; Maŝhado, 28-a de aprilo 1960) estas irana arĥitekto, urbdezajnisto kaj esperantisto.[1] Ekde 2021, li estas prezidanto de ILEI[2] kaj, ekde 2022, ano de la Akademio de Esperanto.[3]

Biografio[redakti | redakti fonton]

Li studis arĥitekturon kaj urb-dezajnadon ĉe la Nacia Universitato de Irano (Universitato Ŝahid Beheŝti) kaj tradukis la anglalingvan libron «Seven Rules for Sustainable Communities» en la persan.[4][1] Ikona figuro de la Esperanta movado en Irano, li eklernis Esperanton en 1976 kaj aktiviĝis dum la 1980-aj jaroj, kiam li iĝis la unua ĉefdelegito de UEA en Irano.[1][5][6] Li elektiĝis kiel unua prezidanto de la Irana Esperanto-Asocio (IrEA), kaj reelektiĝis ankaŭ por la dua sinsekva periodo antaŭ prezidantiĝo de d-ro Keyhan Sayadpour.[2] Li instruadis Esperanton en pluraj lernejoj kaj universitatoj de Irano.[1]

Ekde 2003, li kontribuas al la esperantlingva Vikipedio, kaj ankaŭ al la perslingva kaj anglalingva Vikipedioj pri temoj ĉefe rilate al Esperanto.[1] En aŭgusto 2021, Mamduhi elektiĝis prezidanto de ILEI kiel posteulo de Mireille Grosjean;[2] li estas ano de la Internacia Rajtigita Ekzamenantaro (IRE).[7] Ekde 2022, aniĝis al la Akademio de Esperanto.[3] Li estas komitatano de la Irana Esperanto-Asocio (IrEA).[8]

Li parolas la persan, la anglan kaj Esperanton.[2]

Verkoj[redakti | redakti fonton]

La plej facila lingvo de la mondo

Li eldonis perslingvan lernolibron titole «Aasaan-tarin zabaane donyaa» (trad. La Plej Facila Lingvo de la Mondo, 2005, eldonejo Arĝiv, Teherano, 620 paĝojn), ampleksa persalingva eldonaĵo por instrui Esperanton aŭ memlerni paŝon post paŝo.[9][10][noto 1]

La libro strukturiĝas sur 3 niveloj, kun kreskanta malfacileco: la elementa nivelo (kie oni lernas la Esperantan alfabeton kune kun la baza gramatiko); la meza nivelo (kun 10 lekcionoj pri diversaj temoj kaj po eta vortaro fine de ĉiu lekciono); kaj, fine, la progresiga nivelo (kun Esperanta literaturo, proverboj, filozofio, scienco, ktp). La libro enhavas perslingvan gramatikon de Esperanto kaj vortarojn persa-Esperanton kaj Esperanto-persan.

La Fenomeno Esperanto

Li eldonis na «Padide-ye Esperanto» (2007), kies kero estas traduko de verko de la Nobel-kandidito William Auld kun la titolo «La Fenomeno Esperanto: la solvo de la internacia lingvo-problemo» (1987).[12] Tio estas perslingva enciklopedieto pri Esperanto. La verkaĵo inkluzivas informojn pri la historio de Esperanto en Irano kaj en la mondo, biografion de d-ro Zamenhof, eldiraĵojn de mondaj famuloj pri Esperanto, la ekeston kaj evoluadon de planlingvoj, priskribon de Esperanto, Volapuko kaj Loglano kiel ekzemploj de antaŭ- kaj post-Esperantaj planlingvoj.[noto 2]

Aliaj

Mamduhi ankaŭ aŭtoris multnombrajn artikolojn en kulturaj magazenoj, ĉefe pri la temo de Esperantaj studoj.[14][15][16][17] kaj kontribuas al Irana Esperantisto, la dulingva sezon-revuo en Esperanto kaj la persa.[noto 3]

Notoj[redakti | redakti fonton]

  1. ↑ La kompleta teksto de la libro (pli ol 600 paĝoj) estas libere alirebla interrete.[11]
  2. ↑ La teksto de la libro estas libere alirebla interrete.[13]
  3. ↑ Oni vidu, ekzemple, la numerojn 40 (vintro 2022)[18] kaj 41 (printempo 2022).[19] La ceteraj numeroj elŝuteblas en la oficiala retejo.[20]

Referencoj[redakti | redakti fonton]

  1. ↑ 1,0 1,1 1,2 1,3 1,4 "Ahmad Reza MAMDUH", IPR — Internacia Pedagogie Revuo. Kontrolita 2023-05-23. (esperante)
  2. ↑ 2,0 2,1 2,2 2,3 Ahmadreza Mamduhi (esperante). Esperantujo — La esperantista mondmapo. Alirita 2023-05-23.
  3. ↑ 3,0 3,1 "Oficialaj informoj", Akademio de Esperanto, 2022-03-02. Kontrolita 2023-05-23. (esperante)
  4. ↑ مجموعه مباحثی در رابطه با توسعه پایدار (perse). Urdp.Ir. Arkivita el la originalo je 2016-02-16. Alirita 2018-08-17.
  5. ↑ esperanto (21 April 2014) La unua Esperanto-kongreso en Irano (esperante). esperanto.china.org.cn. Alirita 2018-08-17.
  6. ↑ رونمايي از 10 اثر خطي تلفيقي دوزبانه رباعيات حکيم خيام > خبرگزاری میراث آریا (perse). Chtn.ir. Arkivita el la originalo je 2015-09-27. Alirita 2018-08-17. Arkivigite je 2015-09-27 per la retarkivo Wayback Machine Arkivita kopio. Arkivita el la originalo je 2015-09-27. Alirita 2023-05-23.
  7. ↑ Internacia Rajtigita Ekzamenantaro (esperante). Alirita 2023-05-23.
  8. ↑ Pri IREA Irana Esperanto-Asocio (esperante). Arkivita el la originalo je 2014-02-01. Alirita 2016-02-09.
  9. ↑ Persa Lernolibro de la Internacia Lingvo Esperanto (esperante). Kooperace.czechian.net. Arkivita el la originalo je 2008-10-07. Alirita 2018-08-17. Arkivita kopio. Arkivita el la originalo je 2008-10-07. Alirita 2008-11-04.
  10. ↑ Plej facila lingvo de la mondo, La (esperante). Katalogo de UEA. Alirita 2023-05-23.
  11. ↑ Persa Lernolibro de la Internacia Lingvo Esperanto (esperante, perse). Arkivita el la originalo je 2008-10-07.
  12. ↑ Behnegarsoft.com (28 January 2008) ایبنا – اسپرانتو؛ پرطرفدارترین زبان بی‌طرف (perse). Ibna.ir. Alirita 2018-08-17.
  13. ↑ کتاب پدیده اسپرانتو: راه‌حل مشکل زبان بین‌المللی (perse). Arkivita el la originalo je 2017-12-10.
  14. ↑ Elstara Irana aŭtoro parolas pri Esperanto — Libera Folio (esperante). Libera Folio (2015-10-05). Alirita 2023-05-24.
  15. ↑ "ایرنا – اسپرانتو؛ رویای هم زبانی", Irna.ir, 2 August 2015. Kontrolita 2023-05-24. (perse)
  16. ↑ جستجوي مطالب مجلات (perse). magiran.com. Alirita 2018-08-17.
  17. ↑ "پرتال جامع علوم انسانی-احمدرضا ممدوحی", Ensani.ir, 26 March 2012. Kontrolita 2018-08-17. (perse)
  18. ↑ (2022) Irana Esperantisto 40 (esperante, perse).
  19. ↑ (2022) Irana Esperantisto 41 (esperante, perse).
  20. ↑ Irana Esperantisto (esperante). Alirita 2023-05-24.

Vidu ankaŭ[redakti | redakti fonton]

Eksteraj ligiloj[redakti | redakti fonton]

Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.
Bibliotekoj
Elŝutita el "https://eo.wikipedia.org/w/index.php?title=Ahmad_Reza_Mamduhi&oldid=8470097"