„ La apero de Esperantonimoj estas salutinda iniciativo; la libro meritas senrezervan rekomendon, tiom pli, ke, kiel prave diras en sia enkonduko d-ro István Szerdahclyi, “en Esperanto ĝis hodiaŭ dolore mankas la semantika priskribo de la lingvo”.
La verkon, kun tre interesa antaŭparolo de la aŭtoro Marinko Ĝivoje, formas listoj de antonimoj, homonimoj, paronimoj, sinonimoj kaj vortludoj, tre helpaj por pli ĝusta uzo de la lingvo. Espereble ĉi tiu pionira verko malfermos la vojon al pli kompletaj studoj semantikaj.
La libron ornamas amuzaj ilustraĵoj faritaj de s-roj Mangini, Bakalov kaj Srebrniĉ, kaj, mi ripetas, ĝi estas absolute rekomendinda.
Sed, jam eksterteme, kion, je la diablo, signifas la kabala frazo Fartu juse kun via kulturo paradanta en la dorsa kovrilo? ”
