József Balogh (filologo)

József Balogh (filologo)
Persona informo
Naskiĝo	12-an de junio 1893 (1893-06-12) en Gödöllő
Morto	2-an de aprilo 1944 (1944-04-02) (50-jaraĝa) en Budapeŝto
Lingvoj	hungara
Ŝtataneco	Hungario
Alma mater	Universitato Eötvös Loránd
Okupo
Okupo	filologo literaturhistoriisto redaktoro

József Balogh [jOĵef balog], laŭ la hungarlingve kutima nomordo Balogh József estis hungara klasika filologo, redaktoro, literaturhistoriisto. Lia origina familia nomo estis Blum.

József Blum naskiĝis la 12-an de junio 1893 en Gödöllő, li mortis la 2-an de aprilo 1944 en Budapeŝto.

Biografio

József Balogh devenis el juda familio, sed iam li konvertiĝis al katolikismo. Li studis inter 1911-1915 en Budapeŝto, Berlino, Munkeno kaj Freiburg, poste li estis piloto dum la 1-a mondmilito, fine li doktoriĝis en 1918 en Reĝa Universitato de Budapeŝto. Li batalis por konservado de la klasika lingvoinstruado kontraŭ la lernejaj reformoj de Kunó Klebelsberg en la 1920-aj jaroj. Li intense traktis antikvajn kaj fruajn kristanajn literaturaĵojn kaj li redaktis revuojn, kies kultura politiko estis la angla-franca direkto kontraŭ la germana. Dum la nazia erao (1944) li kaŝiĝis, tamen li estis kaptita kaj Gestapo murdis lin en nekonataj cirkonstancoj.

Elektitaj kontribuoj

• Vasa lecta et pretiosa. Szent Ágoston konfessziói. Egy stílustörténeti tanulmány vázlata (disertaĵo, 1918)
• Voces Paginarum. Adalékok a hangos olvasás és írás kérdéséhez. (1921; germane: 1927)
• Szent Ágoston, a levélíró. Szemelvényekkel leveleskönyvéből. (1926)
• A klasszikus műveltségért (1934)
• Szent István „Intelmei”-nek forrásai (Budapest, 1936)
• Szent Ágoston vallomásai (tradukaĵo en 2 volumoj, 1943, 1944)

Fontoj

• hungarlingva aprezo kaj biografio kun foto Arkivigite je 2019-08-17 per la retarkivo Wayback Machine
• hungarlingva biografio kun foto
• hungarlingva biografio