Lubomír Beneš
| Lubomír Beneš | |
|---|---|
| Persona informo | |
| Naskiĝo | 7-an de novembro 1935 en Prago |
| Morto | 12-an de septembro 1995 (59-jaraĝa) en Roztoky |
| Lingvoj | ĉeĥa |
| Ŝtataneco | Ĉeĥio Ĉeĥoslovakio 
|
| Familio | |
| Infano | Marek Beneš (en) 
|
| Okupo | |
| Okupo | filmreĝisoro muzikisto scenaristo animaciisto pupteatristo reĝisoro
|
| Verkoj | Pat kaj Mat |
Lubomír Beneš (naskiĝis la 7-a de novembro 1935 – mortis la 12-a de septembro 1995) estis ĉeĥa reĝisoro, kiu kreis animean serion Paton kaj Maton. Ofte li kunlaboris kun desegnisto Vladimír Jiránek.
Li kreskis en periferio de Prago. Kiam liaj gepatroj rimarkis lian talenton por desegnado, ili pagis por li privatan instruiston pri desegnado, pentrado kaj arta skribo.
Post soldatservo li partoprenis konkurson de studio por desegnita filmo Bratři v triku (Fratoj en trikotaĵo - grava ĉeĥa filmstudio) kaj estis akceptita kiel dungito. Ĉi tie li konatiĝis kun ĉiuj teknikaĵoj de animea filmo.
En 1967 li transiris al Jiří Trnka kaj post unu jaro kreis sian unuan animean fimon „Homo“. Lia unua pupa filmo „Bonvolu pardoni“ estis filmita en 1974.
En studio Krátký film Praha li poste kreis dekojn da filmoj pupaj kaj desegnitaj.
En 1990 li kunfondis aŭtoran studion, kie li laboris ĝis la morto.
Filmoj de Lubomír Beneš[redakti | redakti fonton]
- Homo (Homo, 1967)
- Račte prominout (Bonvolu pardoni, 1974)
- Kuťáci aŭ Pat a Mat (Memfarantoj aŭ Pat kaj Mat, 1976)
- Král a skřítek (Reĝo kaj koboldo, 1981)
- Muzikant a smrt (Muzikisto kaj morto, 1984)
- Rohy (Kornoj, 1989)
- Nábytek (Meblaro, 1989)
- Klíč (Ŝlosilo, 1989)
- Střecha (Tegmento, 1990)
- Sekačka (Herbofalĉa maŝino, 1990)
- Generální úklid (Granda ordigo, 1990)
- Dveře (Pordo, 1990)
Eksteraj ligiloj[redakti | redakti fonton]
- Biografia informo ĉeĥe angle
- Lubomír Beneš ĉe Interreta filma datumbazo (angle)
- Lubomír Beneš en la Ĉeĥoslovakia filma datumbazo ĉeĥe
