Bīruta Rozenfelde
| Bīruta ROZENFELDE | |
|---|---|
| Persona informo | |
| Naskiĝo | 18-a de decembro 1933 |
| Lingvoj | Esperanto |
| Nacieco | latva |
| Ŝtataneco | Latvio 
|
| Okupo | |
| Okupo | esperantisto
|
Bīruta ROZENFELDE (naskiĝis la 18-an de decembro 1933 kiel Bīruta Kondrate) estas latva esperantistino. Ŝi pasigis 7 jarojn de sia vivo en la Amura provinco de Soveta Unio (kiu fakte estas la samo kiel Amura provinco de Rusio), ĉar ŝia familio tien estis deportita.[1]
Esperanta vivo[redakti | redakti fonton]
Ŝi interesiĝis pri Esperanto tra sia patro, kiu mem estis aktiva esperantisto. Post reveno al Latvio en la jaro 1956 ŝi sekvis Esperanto-kurson kaj fariĝis movada aktivulino. Bīruta Rozenfelde organizis en la jaro 1959 la unuajn Baltiajn Esperanto-Tagojn (BET, kiu tiam nomiĝis ankoraŭ Ĉebalta Studenta Esperanto-Tendaro).
En la jaro 1993 Bīruta Rozenfelde faris prelego- kaj kantovojaĝon tra Finnlando. Ŝi partoprenis en multnombraj Universalaj Kongresoj kaj reprezentis la Latvian Esperanto-Asocion de 1995 ĝis 2010 kiel komitatanino A. Ŝi estas gvidantino de la Esperanto-klubo ĉe la Latva Societo de Rigo kaj vicprezidantino de Latvia Esperanto-Asocio.
Ankoraŭ en alta aĝo ŝi plu aktivas en la movado. Ŝi kunorganizis la Baltiajn Esperanto-Tagojn 2023 en Ventspils, Latvio kaj partoprenis ankaŭ en la 108-a Universala Kongreso en Torino.
Honora membro de UEA[redakti | redakti fonton]
La 20-an de julio 2013 la komitato de UEA dum sia unua sesio dum la 98-a UK de Esperanto en Rejkjaviko elektis ŝin kune kun Hallgrímur Sæmundsson kaj Roland Lindblom kiel honoran membron de Universala Esperanto-Asocio.
