Moritz Heling

Mauritius Helingius (1522-1595)
"Periocha, id est, Argumenta Singulorum Capitum", verko eldonita en (1593) far Mauritius Helingius
Persona informo
Naskiĝo	21-a de septembro 1522 en Fridlando, Germanio
Morto	2-a de oktobro 1595 en Nurenbergo, Germanio
Religio	luteranismo vd
Lingvoj	germana vd
Ŝtataneco	Germanio vd
Alma mater	Universitato de Altdorf Universitato de Wittenberg
Profesio
Okupo	teologo vd
Aktiva en	Halle (Saale) • Wittenberg • Eisleben • Nurenbergo vd
vd	Fonto: Vikidatumoj

Moritz Heling (1522-1595) estis germana luterana teologo devenanta el aristokrata malriĉigita familio. Li frekventis la lernejon en sia hejmurbo, poste li iris al Königsberg, Prusio kaj Elbing.

Biografio

En 1543 li studis en la Universitato de Wittenberg, kie li sin dediĉis precipe al Filipo Melanktono. En 1545 li iris al Halle (Saale) kiel profesoro, revenis al Wittenberg, en 1547, akiris la magistrecon la 18-an de septembro 1548 kaj poste transprenis la rektorecon de la lernejo en Eisleben.

Ĉar li estis suspektata en la majorisma disputo en 1554, li estis eksigita tie kaj revenis denove al Wittenberg. En 1555, li iris al Nurenbergo laŭ rekomendo de Melanktono, kie li fariĝis superintendanto kaj pastro en la Preĝejo Sankta Sebaldo. En ĉi tiu funkcio li partoprenis en la konfesiaj disputoj ĉirkaŭ Andreas Osiander kaj Kaspar Schwenckfeld. Li ankaŭ estis aktiva en la enkonduko pri la katekismaj lecionoj, la ordenigoj, estis aktiva en la preĝejaj vizitoj kaj partoprenis la Frankfurtan Receson en 1558.

Bildo de Mauricius Helingius, desegnita de Christoph Melchior Roth (1720-1798).

Li estis implikita en la disputoj inter Gnesioluteranoj kaj Filipistoj kaj tial li estis metita en emeritiĝon la 2-an de marto, 1575 kontraŭ lia volo. Tamen li plu laboris kaj estis aktiva kiel konsultisto en diversaj aferoj. En 1577 li estis kunaŭtoro de la Nurenberga cenzuro kontraŭ libropresado kaj implikiĝis pri la fondo kaj starigo de la Universitato de Altdorf.

Li aranĝis la stipendiojn kaj respondecis pri la librejo kaj la amasa katalogo. Kvankam li estis implikita en la solvo de la disputo pri la ideoj de Matthias Flacius en 1588, li retiriĝis el la teologiaj konfliktoj de la epoko pro la kreskanta aĝo. Heling ankaŭ kreis kronologiajn tabelojn pri la historio de la monarkio. Li estis edziĝita tri fojojn, 20 infanoj rezultis el ĉi tiuj geedziĝoj.

Verkaro

• Periocha, id est, Argumenta Singulorum Capitum, Et Locorum communium breves consignationes, 1593
• Versus numerales de navali conflictu et victoria anglorum contra Classem Hispanicam, anno Christi 1588
• Colloquivm Evae Et Mariae Virginis, 1581
• Elegia fvnebris et consolatoria, 1591
• Matrimonialivm Cavsarvm Tractatvs, 1553
• Carmen || De Natali Christi.|| Scriptvm A Mavri, 1551
• Colloquium Evae et Mariae Virginis, 1581
• Hieronymi Besoldi, Olim Pastoris Ad Spiritum s. Norimbergae ..., 1767
• Oratio de dignitate legum

habita in schola nova Norimbergensium oppidi Altdorff, cum primo recitarentur leges scholastica, 1576

• Libellus versificatorivs, Filipo Melanktono, 1590
• Oratio Magistri Mauricii Helingi, de dignitate legum, habita in schola nova Noribergensium oppidi, 1576

Literaturo

• Personensuche
• WorldCat Identities
• Deutsche Biographie
• Theologian of Sin and Grace
• Musen und Grazien in der Mark: Ein historisches Schriftstellerlexikon

Vidu ankaŭ

• Johann Samuel Ersch (1766-1828)
• Matthias Flacius (1520-1575)
• Johann Gottfried Gruber (1774-1851)
• Filipo Melanktono (1497-1560)
• Andreo Osiandro (1498-1552)
• Kaspar Schwenckfeld (1489-1561)
• Johann Heinrich Zedler (1706-1751)
• Hieronymus Besold (1500-1562)
• Lorenz Dürnhofer (1532-1594)
• Joachim Heller (1518-1590)
• Johannes Schelhammer (1540-1620)
• Hieronymus Besold (1500-1562)
• Petrus Calaminus (1556-1598)