Ralph Midgley
| Ralph Midgley | |
|---|---|
| |
| Persona informo | |
| Naskiĝo | 25-an de novembro 1929 |
| Morto | 23-an de majo 2024 (94-jaraĝa) |
| Lingvoj | Volapuko |
| Ŝtataneco | Unuiĝinta Reĝlando (Britio) |
| Okupo | |
| Okupo | lingvisto |
Ralph MIDGLEY (naskiĝis la 25-an de novembro 1929, mortis la 23-an de majo 2024) estis la Guvan ('Administranto') de la Volapuka Komunumo (laŭ edikto de la Ĉifalo Brian Bishop ekde la 1-a de januaro 2006). Li laboris pri Volapuko ekde 1972. Li estis la aŭtoro de kelkaj enretaj instruaj kursoj eldonitaj sub la titoloj Volapük for Everyone ('Volapuko por Ĉiuj') kaj Volapük in Action ('Volapuko en Ago'), kaj mallonga enkonduko nomita Volapük vifik ('Rapida Volapuko'). Li formis la Flenef Bevünetik Volapüka ('La Internacia Komunumo de Amikoj de Volapuko') kaj eldonis magazinon Vög Volapüka ('La Voĉo de Volapuko'), kiu sekvis la publikaĵon nomitan Sirkülapenäd ('La Novaĵletero'). Lia entuziasma aktivismo en la promociado de Volapuko respondecas pri la plimulto de personoj, kiuj nuntempe studas kaj lernas la lingvon.
Midgley loĝis en Scunthorpe en norda Anglujo.
Midgley estis rimarkinda pro tio ke li estas la tradukanto de La aventuroj de Alicio en Mirlando al Neo kaj Volapuko; la Volapuka traduko estos venonta.
Eksteraj ligiloj[redakti | redakti fonton]
En Volapuko kaj la angla:
- Volapük Vifik: "Rapida Volapuko", mallonga enkonduko por komencantoj.
- Flenef bevünetik Volapüka.
- Sirkülapenäd (el Retarkivo 20091027054029), La unua magazino en Volapuko de Midgley.
- Volapükagrup Arkivigite je 2009-09-27 per la retarkivo Wayback Machine Yahoo-novaĵogrupo en kie Midgley estas aktiva.
- L’Aventuros d’Alis in Marvoland[rompita ligilo] Traduko de La aventuroj de Alicio en Mirlando al Neo.
- Libroj kaj aliaj dokumentoj[rompita ligilo] de kaj pri Ralph Midgley en la Kolekto por Planlingvoj kaj Esperantomuzeo Arkivigite je 2007-12-21 per la retarkivo Wayback Machine