Duko de Lankastro
Ekzistis pluraj dukoj de Lankastero dum la 14-a kaj 15-a jarcentoj. La dukujo de Lankastero estis kreita trifoje.
La unua kreado okazis la 6-an de marto 1351, por Henriko de Grosmont, pranepo de Henriko la 3-a. Li estis ankaŭ 4-a grafo de Leicester, 1-a grafo de Derby kaj 1-a grafo de Lincoln. Kiam la duko mortis en 1361, tiu kreaĵo ekstingiĝis.
La dua kreado okazis la 13-an de novembro 1362, por Johano de Gaunt, kiu estis kaj la bofilo de la unua duko kaj la kvara filo de Eduardo la 3-a. Johano edziĝis al Blanche de Lankastero, filino de la 1-a duko de la unua kreado. Kiam la unua duko de tiu ĉi kreado mortis la 4-an de februaro 1399, la dukujo transiris al la filo de Johano, Henriko de Bolingbroke, 1-a duko de Hereford.
La tria kreado okazis la 10-an de novembro 1399 por Henriko de Monmouth, princo de Kimrio, plej aĝa filo de la nova reĝo, kiu mem estis antaŭe duko de Lankastero. Kiam la 1-a duko iĝis reĝo Henriko la 5-a en 1413 la dukujo iĝis parto de la krono denove.
Dukoj de Lankastero, unua kreado (1351)
- Henriko deGrosmont, 1-a duko de Lankastero (1306–1361) (estingita)
Dukoj de Lankastero, dua kreado (1362)
- Johano de Gaunt, 1-a duko de Lankastero (1340–1399)
- Henriko Bolingbroke, 2-a duko de Lankastero kaj 1-a duko de Hereford (1367–1413) (iĝis reĝo Henriko la 4-a en 1399)
Dukoj de Lankastero, tria kreado (1399)
- Henriko de Monmouth, Princo de Kimrio, 1-a duko de Lankastero (1387–1422) (iĝis reĝo Henriko la 5-a en la jaro 1413)