Inercirado

Inercirado aŭ inertorado estas (ofte peza) rado sur rotacianta akso, kies inerteco ebligas kontraŭstari momentajn rezistojn, reguligi rapidon kaj povas eĉ servi kiel ĉefa energifonto por maŝinoj. La inercirado povas transdoni grandan energion je momento.

La pezaj inerciradoj ne eltenas grandan perimetran rapidon kaj kreviĝas super iu rapido.

Oni konstruas malpezajn, malgrandajn inerciradojn el grand-firma ŝtalo, kies mezo estas pli dika ol la ekstera parto. Ĝi povas rezervi multon da energio pro la atingata pli granda rapido.

Inercirada akumulatoro

Inercirada akumulatoro rezervas la energion en formo de kineta energio, sed nur por mallonga tempo (kelkaj horoj). Ĝi havas magnetan lagradon, estas produktita el kompozita materialo (karbonfibra epoksirezino) kaj ties rotoro rotacias 10-60.000/min. Oni uzas la inerciradan akumulatoron ĉe energicentraloj (energirezervo de 1,3-7 kWh) sed planas ilian uzon en la kosmostacio. Ĝia avantaĝo estas la tolero de abrupta energidepreno.