Preikestolen
Preikestolen aŭ Prekestolen estas natura roka platformo en Ryfylke en norvega provinco Rogaland kaj multe vizitata turisma allogaĵo kun larĝa panorama rigardo je la Lyse-fjordo kaj la najbaraj montoj.
La grando de la granita rokebenaĵo estas ĉ. 25-oble 25 metroj. La rokmuro de la platformo etendiĝas 604 metrojn vertikale al la fjordo. La rokegon vizitas ĉiujare ĉ. 100.000 homoj, tiel ĝi estas unu el la plej vizitataj lokoj de NOrvegio.
Situo
La rokplatformo situas en Rogaland, okcidenta distrikto en suda Norvegio. La distanco al Stavanger, la kvara plej granda urbo de Norvegio, estas 25 km, aerlinie.
La alproksimiĝo de la roko okazas el Botne sur asfaltita vojo. La platformo estas atingebla de fino de la asfaltita vojo ĉe Preikestolhytta nur tra migra itinero dum du- trihora migrado.