Trajnkatastrofo ĉe Nimego
(Alidirektita el Trajnkatastrofo ĉe Nijmegen)
La trajnkatastrofo ĉe Nimego estas fervoja akcidento, ĉe kiu du pasaĝeraj trajnoj fronte koliziis. Unu el ili ne transportis pasaĝerojn. La akcidento okazis la 28-an de aŭgusto 1979 inter Viĥeno kaj Nimego. Pro la akcidento mortis 8 personoj: 7 pasaĝeroj de unu el la du trajnoj kaj unu el la du maŝinistoj. Krome vundiĝis 36 personoj, inter kiuj la kontrolisto kaj la alia maŝinisto.