Ŝafobirdoj

Ŝafobirdoj aŭ Ŝafbirdoj aludas al grupo de marbirdoj – ĉefe de grandaj pufinoj – kies idoj estas tradicie kolektitaj por manĝo kaj por aliaj uzoj antaŭ elnestiĝo (vidu ankaŭ Petrelidumo).

La specioj plej ofte nomataj Ŝafobirdoj (el la angla "muttonbirds") estas la jenaj:

• Fajnbeka pufino, kiu nestumas en sudorienta Aŭstralio, ĉefe en la Insularo Furneaux de oriento de Markolo Bass.
• Griza pufino, kiu nestumas ĉefe en Novzelando kaj en insuloj de Suda Atlantika Oceano
• Pacifika pufino, kiu nestumas en tropikaj kaj ĉetropikaj partoj de Hinda kaj Pacifika Oceanoj

Estas kelkaj insuloj kie reproduktiĝas la "Ŝafbirdoj" kaj tie estas kolektitaj nome:

• Ŝafobirda Insulo, Tasmanio, Aŭstralio
  • Sudorienta Ŝafobirda Insuleto
  • Sudokcidenta Ŝafobirda Insuleto
• Insulo Broughton, NSK, Aŭstralio
• Titi/Ŝafobirdaj Insuloj, Novzelando

En loka maoria dialekto, tiuj birdoj estas konataj kiel "tītī" (malpli komune literumitaj "tiitii")