Vidi fonton por Bonsociemo

[[Dosiero:Diagram of Eusocial Species.png|eta|Diversaj specioj kiuj sin organiziĝas en bonsociemo.]]
[[Dosiero:Fire ants.jpg|eta|dekstra|Fajroformikoj (''solenopsis invicta'') vivas en socioj.]]
En biologio, '''bonsociemo''' estas eco de [[Socia animalo|bestaj specioj]], kiuj vivas en strikte organizitaj '''socioj'''. Tiaj socioj estas pli ol nuraj grupoj de kune vivantaj bestoj; ili devas plenumi jenajn kriteriojn:
# kunlabora zorgado pri idoj fare de pluraj socianoj
# komuna akiro kaj distribuado de nutraĵoj
# restrikto de la reproduktado al kelkaj fekundaj socianoj, dum la aliaj estas nefekundaj
# kunvivado de pluraj generacioj

Konataj ekzemploj estas [[abelo]]j, [[formiko]]j kaj [[termito]]j. Reproduktiva femalo de tiuj specioj estas nomata "reĝino", ne-reproduktiva femalo "laboristo".

== Ekesto kaj etimologio de la termino ==
La esprimon proponis en [[1966]] la biologo [[Suzanne Batra]]<ref>Batra, S. W. T. (1966): Nests and social behavior of halictine bees of India (Hymenoptera: Halictidae). — Indian Journal for Entomology 28, 375–393.</ref>, verkante pri [[abelo]]j. La [[angla lingvo|angla esprimo]] ''eusociality'', kiun ŝi uzis, estas kunmetita el la [[greka lingvo|greka]] ''ευ'' (= bona) kaj la [[latina lingvo|latina]] ''socialis'' (= kunulema). Komence la esprimo rilatis nur al senvertebruloj, precipe insektoj; [[Edward Osborne Wilson]] ĝeneraligis kaj precizigis ĝin.

== Similaj konceptoj ==
Bestaro, kiu plenumas nur la unuajn tri kriteriojn el la supra listo, nomiĝas '''duon-sociema'''. Bestaro, kiu plenumas nur la unuan, nomiĝas '''kvazaŭ-sociema'''.

== Bonsociemo kaj evolucio ==
La anoj de bonsociema bestaro montras altan gradon de kunlaboro kaj [[altruismo]]; ekzemple en iuj formikaroj "batalistoj" (nomataj ankaŭ "soldatoj") donas sian vivon por la sekureco de la socio. Tia konduto estus malfacile klarigebla en specioj ne-bonsociemaj, kie mutaciuloj kun "egoisma" geno povus forte profiti, ne devante oferi sian vivon kaj do prosperante. En bonsociema bestaro tia mutacio ne povus reproduktiĝi, ĉar la batalistoj tute ne reproduktiĝas; kiam inverse (la) reĝino havas tian mutacion, eble la tuta socio pereas, kaj kun ĝi la mutacio.

== Bonsociemo ekster la insektaro ==
Biologio konas unu specioj de bonsociemaj [[mamulo]]j, la [[heterocefalo]]n. Ĝi vivas en kolonioj de mezume 75 individuoj kun nur unu fekunda [[femalo]].

En 2010 Hechinger priskribis specion de [[trematodo]]j, kiu parazitas en [[molusko]]j kaj apartigas la funkciojn de reproduktado kaj batalado (defendo)<ref>{{Citaĵo el la reto | url = http://rspb.royalsocietypublishing.org/content/278/1706/656 | titolo = Social organization in a flatworm: trematode parasites form soldier and reproductive castes | alirdato = 2012-10-26| aŭtoro = Ryan F. Hechinger k. a.| dato = | eldonisto = Proceedings of the Royal Society B | lingvo = en }}</ref>. Batalistoj havas nur kvindekonon de la longo de reproduktiva individuo.

Pro la malparenceco de diversaj bonsociemaj specioj {{Kiu?}} certas, ke bonsociemo plurfoje ekestis en la evoluo de specioj kaj ne estas signo de parenceco inter bonsociemaj.{{Mankas fonto}}

== Vidu ankaŭ ==
* [[Formikaro]]
* [[Socia animalo]]
* [[Termito]]

== Notoj ==
{{Referencoj}}
{{Projektoj}}

[[Kategorio:Zoologio]]
[[Kategorio:Reproduktado]]