Cerdic (Wessex)

Cerdic (m. 534) estis reĝo de Wessex, Anglio, de 519 al 534. Oni konsideris lin la praulo de ĉiuj postaj reĝoj de tiu regno.

Li estis anglosakso. Laŭ la Anglosaksa Kroniko li alteriĝis en Hampshire en 495 kune kun sia filo Cynric. En 508 li batalis kontraŭ, kaj mortigis, britan reĝon nomitan Natanleod. En 519 li venkis britojn ĉe Charford (ties nomo signifas "la travadejo de Cerdic"), kaj post tio li iĝis la unua reĝo de Wessex. Li konkeris Isle of Wight kiun li konfidis al parencoj nomitaj Stuf kaj Wihtgar (kiuj alvenis al Anglio en 514).